పవన్‌ కోసం చరణ్‌ హీరోయిన్‌ తో సంప్రదింపులు

పవన్‌ సినిమాల్లోకి రీ ఎంట్రీ ఇచ్చి వరుసగా సినిమాలు చేస్తున్న విషయం తెల్సిందే. ఇప్పటికే పవన్‌ మూడు సినిమాలను ఓకే చేశాడు. అందులో పింక్‌ రీమేక్‌ మరియు క్రిష్‌ దర్శకత్వంలో సినిమాలు షూటింగ్‌ కూడా మొదలైంది. ఈ రెండు సినిమాలను చాలా స్పీడ్‌ గా పూర్తి చేసేందుకు పవన్‌ ప్లాన్‌ చేశాడట. ఒక వైపు పవన్‌ పింక్‌ రీమేక్‌ షూటింగ్‌ లో పాల్గొంటూ ఉండగా మరో వైపు క్రిష్‌ పవన్‌ లేకుండానే కొన్ని కీలక సన్నివేశాల చిత్రీకరణ చేపట్టాడు. అడపా దడపా ఆ షూటింగ్‌ లో కూడా పవన్‌ పాల్గొనబోతున్నాడట.

క్రిష్‌ దర్శకత్వంలో పవన్‌ చేస్తున్న మూవీ పీరియాడిక్‌ డ్రామా. ఇది బ్రిటీష్‌ కాలం కంటే ముందు కథ అంటూ ప్రచారం జరుగుతుంది. గతంలో కంచె వంటి పీరియాడిక్‌ చిత్రాన్ని తక్కువ బడ్జెట్‌ లో ఆకట్టుకునేలా తీసిన క్రిష్‌ ఈ సినిమాను కూడా అదే ఫార్ములాలో చేయబోతున్నాడు. ఇక ఈ చిత్రంలో హీరోయిన్‌ గా కియారా అద్వానీని ఎంపిక చేసేందుకు ప్రయత్నాలు జరుగుతున్నాయట. అందుకు సంబంధించిన చర్చలు కూడా జరుగుతున్నాయి.

ఈమె తెలుగులో భరత్‌ అనే నేను మరియు వినయ విధేయ రామ చిత్రాల్లో నటించిన విషయం తెల్సిందే. ఆ రెండు సినిమాల తర్వాత బాలీవుడ్‌ లో ఈ అమ్మడు బిజీ అయ్యింది. ముఖ్యంగా కబీర్‌ సింగ్‌ చిత్రం తర్వాత ఈ అమ్మడు బాలీవుడ్‌ లో ఒక్కసారిగా మోస్ట్‌ వాంటెడ్‌ హీరోయిన్‌ గా మారిపోయింది. ఆ కారణంగానే వరుణ్‌ తేజ్‌ సినిమాతో పాటు పలు సౌత్‌ చిత్రాలకు ఈమె నో చెప్పిందట. భారీ పారితోషికం ఆఫర్‌ చేసినా కూడా ఈమె నో చెప్పిందట. మరి ఇప్పుడు పవన్‌ కు జోడీగా ఈమెను నటించమంటూ దర్శకుడు క్రిష్‌ అడిగాడని సమాచారం అందుతోంది. క్రిష్‌ ఆఫర్‌ కు కియారా ఎలా స్పందిస్తుందా అంటూ ఆసక్తిగా ఎదురు చూస్తున్నారు.