ఆ హీరోయిన్ నో చెప్పడం వల్లే కియారా స్టార్‌ అయ్యిందట!

తెలుగు సినిమా ఇండస్ట్రీ లో కొద్ది మంది పవన్‌ కళ్యాణ్ నో చెప్పిన సినిమాలు చేయడం వల్లే రవితేజ ఇప్పుడు స్టార్ గా ఉన్నాడు. కేవలం పవన్ తిరష్కరించిన సినిమాలు రవితేజను స్టార్‌ గా నిలబెట్టాయి అంటూ చాలా మంది మాట్లాడుకుంటూ ఉంటారు. అలా ఎంతో మంది స్టార్స్ వదిలి పెట్టిన కథలు.. సినిమాలు చిన్న హీరోల వద్దకు లేదా హీరోయిన్స్ వద్దకు వెళ్లి వారికి మంచి విజయాలను తెచ్చి పెట్టిన సందర్భాలు చాలా ఉన్నాయి.

ఇప్పుడు అదే సంఘటనను కియారా అద్వానీ కాఫీ విత్‌ కరణ్‌ టాక్ షో లో చెప్పుకొచ్చింది. చిన్న సినిమాల్లో నటిస్తూ గుర్తింపు కోసం ప్రయత్నాలు చేస్తున్న కియారా అద్వానీకి నెట్‌ ఫ్లిక్స్ లో స్ట్రీమింగ్ అయిన లస్ట్‌ స్టోరీస్ తో ఒక్కసారిగా స్టార్‌ హీరోయిన్ గా గుర్తింపు దక్కించుకుంది.

ఆ వెబ్‌ సిరీస్ లో వైబ్రేటర్ ను ఉపయోగించే ఒక బోల్డ్‌ సన్నివేశం ఉంటుంది. ఆ సన్నివేశంలో కియారా అద్వానీ అద్భుతంగా నటించడం వల్లే ఇప్పుడు పాన్ ఇండియా స్థాయిలో స్టార్‌ ఆ అయ్యింది అంటూ చాలా మంది అభిప్రాయం వ్యక్తం చేస్తూ ఉంటారు.

ఆ విషయాన్ని కియారా అద్వానీ కూడా ఒప్పుకుంది. తాజాగా కరణ్‌ జోహార్ టాక్ షో కాఫీ విత్ కరణ్‌ లో కియారా ఆ విషయం గురించి మాట్లాడింది. మొదట ఆ పాత్రను బాలీవుడ్‌ లో అప్పటికే స్టార్‌ హీరోయిన్ గా గుర్తింపు దక్కించుకున్న కృతి సనన్‌ వద్దకు వెళ్లిందట. ఆమె తన తల్లి అలాంటి పాత్రల పట్ల వ్యతిరేకత కనబర్చారు.. ఆమె ఇష్టం ను కాదని నేను అలాంటి పాత్రను చేయలేను అంటూ తిరస్కరించింది.

కృతి సనన్ ఆ పాత్రను తిరష్కరించడంతో కరణ్ జోహార్ అప్పటికే కాస్త గుర్తింపు ఉన్న కియారా అద్వానీని మనీష్ మల్హోత్రా ఇంట్లో కలిశాడు. ఆ సన్నివేశం ను.. పాత్ర తీరును చెప్పగానే కియారా చేసేందుకు ఓకే చెప్పిందట. ఒక వెబ్‌ సిరీస్ లో అలాంటి పాత్రను చేయడం అంటే చాలా పెద్ద సాహసం. అలాంటి పాత్రను చేసినందుకు గాను కియారా అద్వానీ లక్కీ అని చెప్పుకోవాలి. ఆ పాత్ర వల్లే ప్రస్తుతం ఆమె కెరీర్‌ ఈ స్థాయిలో ఉంది. అందుకే కొన్ని సార్లు సాహసం చేయాలి. అప్పుడే కెరీర్‌ లో స్టార్‌ గా నిలిచే అవకాశాలు ఉంటాయి.