మేక‌ప్ లేని కియ‌రాని చూడ‌లేం బాబోయ్!

ఓవైపు వ‌రుస సినిమాల‌తో క్ష‌ణం తీరిక లేకుండా ఉన్న కియ‌రా అద్వాణీ ముంబైలో ఏ ఫ్యాష‌న్ ఈవెంట్ ఉన్నా అక్క‌డా వాలిపోతోంది. అస‌లు ఇండ‌స్ట్రీలో కేవ‌లం ఐదేళ్ల‌లోనే స్టార్ డ‌మ్ అందుకుని భారీ గా ఆర్జించేస్తున్న ఈ భామ‌ను చూస్తే కుళ్లుకోని వాళ్లు ఉండ‌రు.

అయితే అంత ఇదిగా ఎదిగిన ఈ భామ ఉన్న‌ట్టుండి మేక‌ప్ లెస్ గా క‌నిపించి షాకిచ్చింది. ఇదిగో ఇలా సింపుల్ గా టైట్ ట్రాక్ సింపుల్ ష‌ర్ట్ లో అలా ఆరుబ‌య‌ట‌కు వ‌చ్చేయ‌డంతో అస‌లు గుట్టు లీకైపోయింది. మేక‌ప్ లెస్ కియ‌రాని చూడ‌లేం బాబోయ్! అంటూ బోయ్స్ ఈ ఫోటోపై కామెంట్ల‌తో విరుచుకుప‌డుతున్నారు. అయినా పైకి మెరిసేదంతా బంగారం అనుకుంటే పొర‌పాటే అంటూ యువ‌నెటిజ‌నం వంత పాడుతున్నారు. అలా ఆరుబ‌య‌ట‌కు వ‌చ్చేప్పుడు కాస్త‌యినా మేక‌ప్ పై శ్ర‌ద్ధ తీస్కో అమ్మ‌డూ అంటూ కొంద‌రు స‌ల‌హాలిచ్చేస్తున్నారు. ఏది ఏం జ‌రిగినా అది కూడా కియరా ప్ర‌చారానికి క‌లిసొస్తోంది. ప్ర‌స్తుతం ఈ ఫోటో అంత‌ర్జాలంలో వైర‌ల్ గా మారింది.

కార్తీక్ ఆర్యన్ స‌ర‌స‌న‌ కియారా అద్వానీ న‌టిస్తున్న‌ భూల్ భూలైయా 2 అంతకంత‌కు ఆల‌స్య‌మ‌వుతున్న సంగ‌తి తెలిసిందే. ఈ చిత్రంలోని కీల‌క స‌న్నివేశాల్ని ఇంకా చిత్రీకరించలేదు. కార‌ణం ఏదైనా తాజా నివేదిక ప్రకారం ఈ చిత్రం షూట్ నవంబర్ కు వాయిదా పడింది. ఈ ఆలస్యం కారణంగా కార్తీక్ త‌న ఇత‌ర‌ నాలుగు చిత్రాలను పూర్తి చేస్తున్నాడ‌ట‌. అలాగే కియ‌రా కూడా ఇత‌ర సినిమాల‌పై దృష్టి సారించింది.