అందుకే నేను పారితోషికం తీసుకోలేదు

సల్మాన్ ఖాన్‌ దబాంగ్‌ సినిమా సూపర్‌ హిట్‌ అయిన నేపథ్యంలో ఆ సినిమాకు వరుసగా సీక్వెల్స్ వస్తున్నాయి. 2019 సంవత్సరంలో సల్మాన్‌ దబాంగ్ 3 సినిమాతో ప్రేక్షకుల ముందుకు వచ్చాడు. ఆ సినిమాలో కన్నడ సూపర్‌ స్టార్‌ సుదీప్‌ కిచ్చా కీలక పాత్రలో నటించాడు. ఆ సినిమాలో నటించినందుకు గాను కిచ్చ సుదీప్ కనీసం ఒక్క రూపాయి కూడా పారితోషికం తీసుకోలేదట. సల్మాన్‌ ఖాన్‌ బలవంతం చేసినా కూడా సుదీప్‌ మాత్రం పారితోషికంను తీసుకోలేదు. దాంతో సల్మాన్ పారితోషికంకు బదులుగా బీఎండబ్ల్యూ కారును సుదీప్‌ కు గిప్ట్‌ గా ఇచ్చాడు.

ఇటీవల ఒకానొక సందర్బంగా సుదీప్‌ మాట్లాడుతూ దబాంగ్‌ 3 సినిమాకు పారితోషికం తీసుకోక పోవడంపై స్పందించాడు. సల్మాన్‌ భాయ్‌ నాకు కుటుంబ సభ్యుడి మాదిరిగా సన్నిహితంగా ఉన్నారు. నేను ముంబయి వెళ్లిన సమయంలో ఖచ్చితంగా వారి ఇంటికి వెళ్తాను. ఆ సమయంలో వారి నుండి మంచి వెల్‌ కమ్‌ నాకు దక్కుతుంది. ఒక వేళ నేను ముంబయికి వెళ్లి వారి ఇంటికి వెళ్లకుంటే నేను ఉన్న చోటుకు వచ్చి మరీ నన్ను తీసుకు వెళ్తారు. వారు ఇక్కడకు వచ్చినా ఖచ్చితంగా మా ఇంటికి వచ్చి నా కుటుంబ సభ్యులతో చాలా సన్నిహితంగా ఉంటారు.

మా రెండు కుటుంబాలు చాలా సన్నిహితంగా ఉండటం వల్లే నేను ఆ సినిమాలో నటించేందుకు పారితోషికం తీసుకోలేదు. పారితోషికం తీసుకోవడం అనేది మా మద్య ఉండదు. సల్మాన్‌ సర్‌ మా ఇంట్లో మనిషి అనుకుంటాను అంటూ సుదీప్‌ చేసిన వ్యాఖ్యలు ఇద్దిరి మద్య ఉన్న సన్నిహిత్యంను చెప్పకనే చెబుతున్నాయి. సల్మాన్‌ ఖాన్‌ తో మళ్లీ అవకాశం వస్తే నటించేందుకు తాను సిద్దంగా ఉన్నట్లుగా కూడా సుదీప్ చెప్పుకొచ్చాడు.