కింగ్ ఈ వ‌యసులో యుద్ధ‌భూమి సాహ‌సాలు?

కింగ్ నాగార్జున బ్యాక్ టు బ్యాక్ సీరియ‌స్ స‌బ్జెక్టుల్ని ఎంచుకుని ప్ర‌యోగాత్మ‌క యాక్ష‌న్ చిత్రాల్లో న‌టిస్తున్న సంగ‌తి తెలిసిందే. ప్ర‌స్తుతం ఎన్.ఐ.ఏ నేప‌థ్యంలోని వైల్డ్ డాగ్ చిత్రంలో న‌టించిన నాగార్జున‌ త‌దుప‌రి ప్ర‌వీణ్ స‌త్తారు ద‌ర్శ‌క‌త్వంలోనూ స్పై థ్రిల్ల‌ర్ లో న‌టించ‌నున్నారు.

ఇటీవ‌ల వైల్డ్ డాగ్ కొత్త పోస్ట‌ర్లు వైర‌ల్ గా మారాయి. క్రిమినల్ కేసుల దర్యాప్తులో దూకుడుగా ప్రవర్తించే ఎన్ఐఏ ఏజెంట్ విజయ్ వర్మగా కింగ్ నాగార్జున త‌న‌ని తాను కొత్త‌గా ప్రెజెంట్ చేసుకునేందుకు చాలా హార్డ్ వ‌ర్క్ చేశార‌ని తెలుస్తోంది. అస‌లు భ‌యం అన్న‌దే లేని డేరింగ్ ఆఫీస‌ర్ గా తీవ్ర‌వాదుల ఆప‌రేష‌న్ లో పాల్గొనేవాడిగా.. చావుకైనా ఎదురెళ్లే నైజం ఉన్న అధికారిగా కింగ్ క‌నిపించనున్నారు. ఎంపిక చేసుకున్న పాత్ర చాలా రిస్క్ తో కూడుకున్న‌దేన‌ని ట్రైల‌ర్ చూస్తే అర్థ‌మైంది.

వైల్డ్ డాగ్ ట్రైల‌ర్ వెబ్ లో జెట్ స్పీడ్ తో దూసుకెళుతోంది. కోటి వ్యూస్ తో ఈ ట్రైల‌ర్ సంచ‌ల‌నం సృష్టించింది. ఒక పోస్ట‌ర్ లో 60 ప్ల‌స్ నాగార్జున చేతిలో ఎంతో బ‌రువైన‌ నిజమైన రైఫిల్ తో ఒక లోయలో తీవ్ర‌వాదిని వెంబడిస్తూ క‌నిపించిన తీరు ఆస‌క్తిక‌రం. ఆ పోస్ట‌ర్ చూస్తుంటే ఈ ఏజ్ లో ఇంత‌టి సాహ‌సం అవ‌స‌ర‌మా? అని అక్కినేని అభిమానులు కంగారు ప‌డేంత ఎగ్రెస్సివ్ గా క‌నిపిస్తోంది. యుద్ధ‌భూమిలో వీరుడిలా కింగ్ సాహ‌సాలు క‌నిపించాయి. అయితే సిస‌లైన ఫీల్ కోసం నిజమైన ఆయుధాలను ఆ స‌న్నివేశం కోసం ఉపయోగించారు. యాక్షన్ మూవీ ప్రేమికుల నుండి దీనికి మంచి స్పందన లభించింది.

ఆశిషోర్ సోలమన్ దర్శకత్వంలో మ్యాటినీ ఎంటర్ టైన్ మెంట్స్ ప‌తాకంపై ఈ చిత్రం తెర‌కెక్కింది. ఏప్రిల్ 2న సినిమా థియేటర్లలో విడుద‌ల‌వుతోంది.