స్టార్ హీరో ప్రాజెక్ట్‌లో కీర్తి సురేష్ ... రూమ‌రేనా?

`మ‌హాన‌టి` చిత్రంతో విల‌క్ష‌ణ‌మైన న‌టిగా తెలుగు, త‌మిళ భాష‌ల్లో మంచి గుర్తింపుని సొంతం చేసుకోవ‌డ‌మే కాకుండా జాతీయ స్థాయిలో ఉత్త‌మ న‌టిగా పుర‌స్కారాన్ని సైతం ద‌క్కించుకుంది కీర్తి సురేష్‌. ఈ సినిమా త‌రువాత `రంగ్ దే` చిత్రంతో మ‌రో విజ‌యాన్ని త‌న ఖాతాలో వేసుకున్న కీర్తి ప్ర‌స్తుతం వరుస చిత్రాల్లో నటిస్తూ బిజీగా వుంది. సూప‌ర్ స్టార్ మ‌హేష్ బాబుతో `స‌ర్కారు వారి పాట‌`, మెగాస్టార్ చిరంజీవికి చెల్లెలిగా `భోలా శంక‌ర్‌` చిత్రాల్లో నటిస్తున్న కీర్తి సురేష్ .. నేచుర‌ల్ స్టార్ నానితో క‌లిసి `ద‌స‌రా`లోనూ మెర‌వ‌బోతోంది.

ఇదిలా వుంటే కీర్తి త‌మిళ స్టార్ ఇళ‌య‌ద‌ళ‌ప‌తి విజ‌య్ చిత్రంలో న‌టిస్తోందంటూ గ‌త కొన్ని రోజులుగా ప్ర‌చారం జ‌రుగుతోంది. అయితే ఈ ప్ర‌చారంలో ఎలాంటి నిజం లేద‌ని, త‌మ సినిమాలో కీర్తి సురేష్ న‌టించ‌డం లేద‌ని హీరో విజ‌య్ అఫీషియ‌ల్ టీమ్ శుక్ర‌వారం సోష‌ల్ మీడియా వేదిక‌గా వెల్ల‌డించింది. బిగిల్ (విజిల్‌), మాస్ట‌ర్ చిత్రాల‌తో వ‌రుస విజ‌యాల్ని సొంతం చేసుకున్న‌హీరో విజ‌య్ ప్ర‌స్తుతం `బీస్ట్` చిత్రంలో న‌టిస్తున్న విష‌యం తెలిసిందే.

అ మూవీ త‌రువాత వంశీ పైడిప‌ల్లి చిత్రంలో న‌టించ‌నున్నారు. విజ‌య్ 66వ ప్రాజెక్ట్ గా సెట్స్ పైకి రానున్న ఈ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై స్టార్ ప్రొడ్యూస‌ర్ దిల్ రాజు నిర్మించ‌నున్నారు. ఈ ప్రాజెక్ట్ ని కొన్ని నెల‌ల క్రిత‌మే మేక‌ర్స్ అధికారికంగా ప్ర‌క‌టించారు. కానీ షూటింగ్ ఎప్పుడు మొద‌ల‌వుతుంది? .. కాస్ట్ అండ్ క్రూ ఎవ‌ర‌న్న‌ది వెల్ల‌డించ‌లేదు. అయితే ఈ ప్రాజెక్ట్ ప్ర‌క‌టించిన ద‌గ్గ‌రి నుంచి ఈ చిత్రంలో విజ‌య్ కి జోడీగా కీర్తి సురేష్ న‌టించ‌నుందంటూ ప్ర‌చారం మొద‌లైంది. ఆ ప్ర‌చారంలో ఎలాంటి వాస్త‌వం లేద‌ని, విజ‌య్ చిత్రంలో కీర్తి సురేష్ న‌టించ‌డం లేద‌ని విజ‌య్ టీమ్ వెల్ల‌డించింది.