ఏంటి.. దిశా టైగర్ ష్రాఫ్ ఒకే ఇంట్లో ఉండట్లేదా..?

ఈ రోజుల్లో ప్రపంచాన్ని గడగడలాడిస్తున్న కరోనా మహమ్మారి బారినుండి ప్రాణాలు రక్షించుకునేందుకు మనదేశం గట్టి ప్రయత్నాలు చేస్తుంది. ఈ టైంలో లాక్డౌన్ తప్ప వేరే మార్గమేది లేదు. అందుకే మన ఇండియాలో దాదాపు నెల రోజులుగా లాక్ డౌన్ కొనసాగుతున్న విషయం తెలిసిందే. ఈ లాక్డౌన్ లో అన్ని రంగాలు క్లోజ్ చేయడంతో అందరు ఇళ్లకే పరిమితం అయ్యారు. అయితే ఈ లాక్ డౌన్ ని కూడా కొందరు సెలెబ్రిటీలు సద్వినియోగం చేసుకుంటూ ఎంజాయ్ చేస్తున్నారు. ఇక సినిమా షూటింగ్స్ నిలిపేయడంతో సినితారలంతా ఇళ్లకే పరిమితం అయ్యారు.

లాక్ డౌన్ కొనసాగుతున్న నేపథ్యంలో కొందరు హీరో హీరోయిన్లు వాళ్లకు నచ్చిన వాళ్లతో ఒకే ఇంట్లో ఉంటూ సమయాన్ని సద్వినియోగం చేసుకుంటున్నారు. తాజాగా ఈ లాక్ డౌన్ లో హీరో టైగర్ ష్రాఫ్, హీరోయిన్ దిశాపటాని ఒకే ఇంట్లో ఉంటున్నారని వార్తలు వినిపించాయి. కానీ అవన్నీ పుకార్లు అని టైగర్ ష్రాఫ్ సిస్టర్ కృష్ణ ష్రాఫ్ తెలిపింది. తాజాగా ఇంటర్వ్యూలో మాట్లాడుతూ.. లాక్డౌన్ లో దిశా మా ఫ్యామిలీతో కలిసి ఉండట్లేదు. ఆమె మా పక్కా వీధిలోనే ఉంటుంది. అప్పుడప్పుడు బయటికి వెళ్ళినప్పుడు కన్పిస్తోందని వెల్లడించింది. అయితే టైగర్ దిశా కలిసి ఉంటున్నారనే వార్తలు నిజం కాదని తేల్చి చెప్పింది. ఇక సోషల్ మీడియాలో కృష్ణ ష్రాఫ్ పోస్ట్ చేసిన 'మేకప్ బై దిశా' ఫోటో తాజాగా వైరల్ అవుతోంది.