KL రాహుల్-ఆతియా పెళ్లి అతిథులు వీళ్లేనంటూ..!

బాలీవుడ్ లో మ‌రో భారీ వివాహ వేడుక‌కు రంగం సిద్ధ‌మ‌వుతోందా? అంటే అవున‌నే స‌మాచారం. క‌రోనా టెన్ష‌న్స్ నుంచి బ‌య‌ట‌ప‌డిన త‌ర్వాత ఇది ఘ‌నమైన‌ పెళ్లి వేడుక కానుందని క‌థ‌నాలొస్తున్నాయి. బాలీవుడ్ స్టార్ హీరో సునీల్ శెట్టి కుమార్తె ఆతియా శెట్టి తాను వ‌ల‌చిన సుంద‌రాంగుడు కే.ఎల్.రాహుల్ ని పెళ్లాడ‌బోతోంద‌ని హెడ్ లైన్స్ లో క‌థ‌నాలు వెలువ‌డుతుండ‌డం విశేషం. యంగ్ ట్యాలెంటెడ్ క్రికెట‌ర్ రాహుల్ తో ఆథియా గ‌త కొన్నేళ్లుగా ప్రేమాయ‌ణంలో ఉన్న సంగ‌తి తెలిసిందే.

KL రాహుల్ - అతియా శెట్టి పెళ్లి గురించి ఇంకా అధికారిక ప్ర‌క‌ట‌న వెలువ‌డ‌క‌పోయినా బాలీవుడ్ మీడియా పుంఖానుపుంఖాలుగా క‌థ‌నాలు వండి వారుస్తోంది. ఈ జంట ఏ క్ష‌ణ‌మైనా ఒక‌ట‌వ్వ‌డానికి సిద్ధంగా ఉన్నారని లీకులిస్తున్నాయి. పెళ్లికి ముందే అతిథుల‌ జాబితాను కూడా హిందీ మీడియా సిద్ధం చేసింది.

ఈ జాబితాలో విరాట్ కోహ్లి - సంజయ్ దత్- ఆకాంక్ష రంజన్ త‌దిత‌రుల పేర్లు త‌ప్ప‌నిస‌రి. అతియా శెట్టికి బాలీవుడ్ లో అలాగే క్రికెట‌ర్ల‌లో చాలా మంది స్నేహితులు ఉన్నారు. వారంతా పెళ్లికి హాజ‌ర‌వుతార‌ని అంచ‌నా. ఆకాన్షా రాంజన్ - అర్జున్ కపూర్ ఈ పెళ్లిలో త‌ప్ప‌నిస‌రిగా సంద‌డి చేస్తారు.

సునీల్ శెట్టి కొన్నేళ్లుగా పరిశ్రమలో అద్భుతమైన సంబంధాలను క‌లిగి ఉన్నాడు. అత‌డి సన్నిహితులు సంజయ్ దత్- జాకీ ష్రాఫ్- సంజయ్ గుప్తా- సాజిద్ నదియాడ్ వాలా కూడా ఆయ‌న వార‌సురాలు ఆథియా పెళ్లికి హాజరయ్యే అవకాశం ఉంది.

ఇంకా అధికారికంగా ఎలాంటి స‌మాచారం లేన‌ప్ప‌టికీ... షారుఖ్ ఖాన్- సల్మాన్ ఖాన్ - అమితాబ్ బచ్చన్ లాంటి స్టార్లు ఈ పెళ్లికి హాజ‌ర‌య్యేందుకు ఆస్కారం లేక‌పోలేదని భావిస్తున్నారు. దాదాపు నాలుగు ద‌శాబ్ధాల పాటు బాలీవుడ్ లో స్టార్ గా కొన‌సాగిన సునీల్ శెట్టి ప్ర‌స్తుతం ద‌క్షిణాదినా న‌టిస్తున్నారు. ఆథియా పెళ్లికి ర‌జ‌నీకాంత్ స‌హా ప‌లువురు స్టార్ల‌కు ఆహ్వానం అందుతుంద‌న‌డంలో సందేహం లేదు. ఏ క్ష‌ణ‌మైనా పెళ్లి క‌బురు అందుతుంది. ఆ త‌ర్వాత అతిథుల‌పై మ‌రింత స్ప‌ష్ఠ‌త వ‌స్తుంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.