'కాఫీ విత్ కరణ్' లేటెస్ట్ ప్రోమో: VD కి 'త్రీ సమ్' పై ఆసక్తి ఉందా..?

ప్రముఖ బాలీవుడ్ దర్శక నిర్మాత కరణ్ జోహార్ హోస్ట్ చేస్తున్న సెలబ్రిటీ టాక్ షో 'కాఫీ విత్ కరణ్' ఎంత పెద్ద సక్సెస్ అయిందో ప్రత్యేకంగా చెప్పాల్సిన పనిలేదు. ఇప్పటికే ఆరు సీజన్లు పూర్తవ్వగా.. ఇటీవలే డిస్నీ ప్లస్ హాట్ స్టార్ లో 7వ సీజన్ ప్రారంభమైంది.

మొదటి ఎపిసోడ్ కు బాలీవుడ్ స్టార్స్ రణవీర్ సింగ్ మరియు అలియా భట్ గెస్టులుగా హాజరవ్వగా.. రెండో ఎపిసోడ్ లో బీటౌన్ భామలు సారా అలీఖాన్ - జాన్వీ కపూర్ సందడి చేశారు. మూడో ఎపిసోడ్ లో అక్షయ్ కుమార్ - సమంత రూత్ ప్రభు కనిపించారు.

ఈ క్రమంలో కాఫీ విత్ కరణ్ టాక్ షో నాలుగో ఎపిసోడ్ లో 'లైగర్' సినిమాలో కలిసి నటిస్తున్న రౌడీ స్టార్ విజయ్ దేవరకొండ మరియు బాలీవుడ్ బ్యూటీ అనన్య పాండే పాల్గొన్నారు. తాజాగా దీనికి సంబంధించిన ప్రోమోని కరణ్ జోహార్ సోషల్ మీడియా మధ్యమాలల్లో రిలీజ్ చేశారు. ప్రస్తుతం ఇది నెట్టింట వైరల్ అవుతోంది.

ఎప్పుడూ గాసిప్స్ - శృంగార అల‌వాట్లు మరియు సెల‌బ్రిటీ సీక్రెట్ల గురించి ప్రశ్నించే కరణ్ జోహార్.. లేటెస్ట్ ఎపిసోడ్ లో విజయ్ దేవరకొండ & అనన్య పాండే నుంచి అలాంటి ప్రశ్నలకే సమాధానాలు రాబట్టే ప్రయత్నం చేశారు. అనన్య - ఆదిత్య రాయ్ కపూర్ మధ్య ఏమి జరిగిందనే విషయం దగ్గర నుంచి విజయ్ 'త్రీ సమ్' గురించి మాట్లాడటం వరకు.. ప్రోమోలోని ప్రతి బిట్ ఉత్సాహాన్ని పెంచేలా చేస్తుంది.

కాఫీ విత్ కరణ్ గత ఎపిసోడ్ లో జాన్వీ - సారా ఇద్దరు విజ‌య్ దేవ‌ర‌కొండపై తమ క్రష్‌ ను బయటపెట్టిన సంగతి తెలిసిందే. ఎవరితో డేటింగ్ చేయాలని ఉందని అడగ్గా.. మొహమాటం లేకుండా సారా రౌడీ బాయ్ పేరు చెప్పింది. ఈ క్రమంలో ఇద్దరూ విజయ్‌ కోసం ఒకరిపై ఒకరు విరుచుకుపడిన వీడియోని లేటెస్ట్ ఎపిసోడ్ లో విజయ్ కు చూపించనట్లు తెలుస్తోంది.

'ఇది చాలా సీరియస్ కశ్చన్.. నీకు నిజంగా 'చీజ్' అంటే ఇష్టమా?' అని కరణ్ ప్రశ్నించగా.. "ఇది ఎక్కడికి దారితీస్తుందోనని నేను భయపడుతున్నాను'' అని విజయ్ కాస్త నెర్వస్ గా సమాధానమిస్తాడు. మధ్యలో అనన్య కలుగజేసుకొని 'నేను కూడా ఆ ప్లేట్ లో ఉండాలనుకుంటున్నాను' అని అంటుంది.

అలానే ఒక పార్టీలో అనన్య పాండే - ఆదిత్య కపూర్ మధ్య జరిగిన విషయాన్ని కరణ్ ప్రస్తావిస్తుండగా.. 'లేదు లేదు.. మీరు ఏమీ చూడలేదు' అని ఆమె చెప్పడాన్ని ఈ ప్రోమోలో చూడొచ్చు. "ఎప్పుడైనా హికీని దాచడానికి మేకప్ వేసుకున్నావా?", "ఎప్పుడైనా కారులో చేశావా?" "ముగ్గురి (త్రీ సమ్) పై ఆసక్తి ఉందా?" వంటి ప్రశ్నలు కరణ్ అడిగినప్పుడు.. విజయ్ దేవరకొండ చమత్కారమైన నిజాయితీతో కూడిన సమాధానాలు ఇచ్చినట్లు అనిపిస్తోంది.

'కారులో' అని విజయ్ సమాధానం ఇచ్చినప్పుడు.. అది చాలా అసౌకర్యంగా ఉండదా? అని కరణ్ అన్నాడు. 'డెస్పరేట్ టైమ్' ఇలాంటి పనులు చేసేలా చేస్తుందని విజయ్ చెప్పడాన్ని చూడొచ్చు. మొత్తం మీద ఈ టాక్ షోలో విజయ్ దేవరకొండ నుంచి క్రేజీ ఆన్సర్స్ ఆశించవచ్చని నెటిజన్లు కామెంట్స్ చేస్తున్నారు. 'కాఫీ విత్ కరణ్' నాలుగో ఎపిసోడ్ ఈ గురువారం డిస్నీ+ హాట్‌ స్టార్‌ లో స్ట్రీమింగ్ కాబోతోంది.

ఇకపోతే 'లైగర్' సినిమాతో ధర్మ ప్రొడక్షన్ బ్యానర్ లో విజయ్ దేవరకొండ ను బాలీవుడ్ లో లాంచ్ చేస్తున్నాడు కరణ్ జోహార్. పూరీ జగన్నాథ్ దర్శకత్వంలో తెరకెక్కిన ఈ సినిమాతో అనన్య పాండే టాలీవుడ్ లో అడుగుపెడుతోంది. మిక్స్డ్ మార్షల్ ఆర్ట్స్ బ్యాక్ డ్రాప్ లో తెరకెక్కిన ఈ మూవీ.. ఆగస్ట్ 25న పాన్ ఇండియా స్థాయిలో విడుదల కాబోతోంది. ఈ నేపథ్యంలో చుత్ర5బృందం దూకుడుగా ప్రమోషన్స్ చేస్తున్నారు.