కోలీవుడ్ బిగ్ మూవీస్.. డేట్స్ ఫిక్స్ అయినట్లే!

కోలీవుడ్ చిత్ర పరిశ్రమలో ఈ ఏడాది 100 కోట్లు అందుకున్న సినిమాల సంఖ్య ఎక్కువగానే ఉంది. కొన్ని మీడియం రేంజ్ సినిమాలు కూడా బాక్సాఫీస్ వద్ద మంచి కలెక్షన్స్ సొంతం చేసుకున్నాయి. ఇక రాబోయే రోజుల్లో తమిళ చిత్ర పరిశ్రమ నుంచి మరిన్ని పెద్ద సినిమాలు రాబోతున్నాయి. ముఖ్యంగా కోలీవుడ్ సూపర్ స్టార్ రజినీకాంత్ జైలర్ సినిమా కోసం ఫ్యాన్స్ ఎంతో ఆతృతగా ఎదురుచూస్తున్నారు.

ఈ సినిమాలో భాషా, నరసింహ సినిమా తరహా షేడ్స్ ఉంటాయి అని ఇప్పటికే చిత్ర యూనిట్ పాజిటివ్ వైబ్రేషన్స్ క్రియేట్ చేసింది. ఇక సినిమాకు సంబంధించిన షూటింగ్ కూడా శరవేగంగా కొనసాగుతోంది. ఈ సినిమాకు బీస్ట్ దర్శకుడు నెల్సన్ దిలీప్ కుమార్ దర్శకత్వం వహిస్తున్న విషయం తెలిసిందే. ఇక జైలర్ సినిమాను 2023 ఏప్రిల్ 14వ తేదీన విడుదల చేయాలని అనుకుంటున్నారు.

త్వరలోనే ఈ విషయంలో అధికారికంగా ఒక క్లారిటీ కూడా ఇవ్వబోతున్నారు. ఇక మణిరత్నం డ్రీమ్ ప్రాజెక్ట్ పొన్నియిన్ సెల్వన్ 1 ఏ స్థాయిలో సక్సెస్ అయిందో ప్రత్యేకంగా చెప్పనవసరం లేదు. ముఖ్యంగా తమిళంలో ఆ సినిమాకు మంచి బాక్సాఫీస్ కలెక్షన్స్ దక్కాయి. అయితే సెకండ్ చాప్టర్ విడుదల తేదీ కూడా దాదాపు ఖరారు అయింది. 2023 ఏప్రిల్ 28వ తేదీన ఎలాంటి పోటీ లేకుండా PS 2 సినిమాను విడుదల చేయాలని అనుకుంటున్నారు.

ఇక శంకర్ కమల్ హాసన్ కాంబినేషన్లో రాబోతున్న ఇండియన్ 2 సినిమా విడుదల తేదీపై కూడా సస్పెన్స్ కొనసాగుతున్న విషయం తెలిసిందే. ఇక మొత్తానికి ఇండియన్ 2 సినిమా విడుదల తేదీపై కూడా ఇటీవల చిత్ర యూనిట్ సభ్యులు ఒక నిర్ణయానికి వచ్చినట్లు సమాచారం.

ప్రస్తుతం ప్లాన్ ప్రకారం దర్శకుడు శంకర్ వచ్చే ఏడాది సమ్మర్ పూర్తవక ముందే సినిమాను ప్రేక్షకుల ముందుకు తీసుకురావాలని అనుకున్నాడు. ఇక ప్రస్తుతం అయితే ఈ సినిమాను 2023 జూన్ రెండవ తేదీన విడుదల చేయాలని ఆలోచనలకు వచ్చినట్లు తెలుస్తోంది. మరి ఈ బిగ్ మూవీస్ బాక్సాఫీస్ వద్ద ఎలాంటి కలెక్షన్స్ అందుకుంటాయో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.