కోలీవుడ్ స్టార్ టాలీవుడ్ పై స్పెష‌ల్ ఫోక‌స్ పెట్టాడా?

కోలీవుడ్ స్టార్ హీరో విజయ్ కథానాయకుడిగా రూపొందుతున్న మూవీ 'వారీసు. ఇదే మూవీని తెలుగులో 'వార‌సుడు' పేరుతో రిలీజ్ చేయ‌బోతున్న విష‌యం తెలిసిందే. ద్వి భాషా చిత్రంగా ప్ర‌చారం జ‌రుగుతున్నా ఈ మూవీని త‌మిళంలో మాత్ర‌మే నిర్మిస్తున్నారు. తెలుగులో డ‌బ్బింగ్ చేయ‌బోతున్నారు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై స్టార్ ప్రొడ్యూస‌ర్ దిల్ రాజు నిర్మిస్తున్న ఈ మూవీకి వంశీ పైడిప‌ల్లి ద‌ర్శ‌క‌త్వం వ‌హిస్తున్నారు.

ర‌ష్మిక మందన్న హీరోయిన్ గా న‌టిస్తున్న ఈ మూవీపై తెలుగుతో పాటు త‌మిళంలోనూ భారీ అంచ‌నాలున్నాయి. ఇప్ప‌టికే షూటింగ్ పూర్తి చేసుకున్న ఈ మూవీని వ‌చ్చే ఏడాది సంక్రాంతికి రెండు భాష‌ల్లోనూ రిలీజ్ చేయ‌బోతున్నారు.

ఇంత‌కు సంబంధించిన ఏర్పాట్లు ఇప్ప‌టికే మొద‌లు పెట్టిన చిత్ర బృందం ప్ర‌మోష‌న్స్ ని త్వ‌ర‌లో ప్రారంభించ‌బోతోంది. దీపావ‌ళి సంద‌ర్భంగా ఫ‌స్ట్ సింగిల్ లిరిక‌ల్ వీడియోని విడుద‌ల చేయ‌బోతున్నారు.

కంప్లీట్ ఫ్యామిలీ డ్రామాగా రూపొందుతున్న ఈ మూవీ రిలీజ్ కు రెడీ అవుతున్న వేళ త‌మిళ స్టార్ హీరో విజ‌య్ తెలుగులో క్రేజీ ప్రొడ‌క్ష‌న్ హౌస్ మైత్రీ మూవీ మేక‌ర్స్ కి సినిమా చేయ‌బోతున్నాడ‌ని వార్త‌లు వినిపిస్తున్నాయి. తెలుగులో దిల్ రాజు, వంశీ పైడిప‌ల్లితో క‌లిసి తొలిసారి 'వారీసు' కోసం ప‌ని చేస్తున్న విజ‌య్ తాజాగా మ‌రో తెలుగు ప్రొడ‌క్ష‌న్ కంప‌నీ మైత్రీ మూవీ మేక‌ర్స్ కి గ్రీన్ సిగ్న‌ల్ ఇచ్చిన‌ట్టుగా తెలుస్తోంది.

ఇప్ప‌టికే మైత్రీ మూవీ మేక‌ర్స్ వారి వ‌ద్ద భారీ ప్రాజెక్ట్ కోసం హీరో విజ‌య్ అడ్వాన్స్ కూడా తీసుకున్నాడ‌ని, అట్లీ కుమార్ తోనూ మైత్రీ మూవీ మేక‌ర్స్ వారు ఇటీవ‌ల ఈ ప్రాజెక్ట్ విష‌య‌మై చ‌ర్చించారని, అత‌నికి కూడా భారీ మొత్తంలో అడ్వాన్స్ కూడా ఇచ్చార‌ని వార్త‌లు వినిపిస్తున్నాయి.

విజ‌య్‌, అట్లీ కుమార్ ల కాంబినేష‌న్ లో ఇప్ప‌టి వ‌ర‌కు తేరీ, మెర్స‌ల్‌, బిగిల్‌ వంటి సినిమాలొచ్చిన విష‌యం తెలిసిందే. మైత్రీ మూవీ మేక‌ర్స్ వీరిద్ద‌రితో చేయ‌నున్న మూవీ నాలుగ‌వ‌ది. ఈ మూవీని వ‌చ్చే ఏడాది చివ‌ర‌లో ప్రారంభిస్తార‌ట‌. విజ‌య్ 'వారీసు' త‌రువాత లోకేష్ క‌న‌గ‌రాజ్ తో ఓ మూవీ చేయ‌బోతున్నాడు. దాని త‌రువాతే అట్లీ మూవీ వుంటుంద‌ట‌.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.