కెమెరాకి చిక్కిన కోలీవుడ్ ల‌వ‌బుల్ క‌పుల్స్

త‌ళా అజిత్-షాలిని జంట ప్రేమ వివాహం అన్యోన్య‌త గురించి చెప్పాల్సిన ప‌నిలేదు. పెళ్లి తర్వాత షాలిని సినిమాల‌కు రిటైర్మెంట్ ఇచ్చేసారు. ఫ్యామిలీ లైఫ్ కే స‌మ‌యాన్ని కేటాయించారు. ఎలాంటి సినిమా ఈవెంట్ల‌కు కూడా ఆమె హాజ‌రు కారు. పిల్ల‌లు..భ‌ర్త జీవితంగానే కెరీర్ ప్లాన్ చేసుకుని ముందుకెళ్తున్నారు. చాలా అరుదుగా మాత్ర‌మే షాలిని బ‌య‌ట క‌నిపిస్తుంటారు. విదేశాలకు వెళ్లిన‌ప్పుడు.. వెకేష‌న్స్ స‌మ‌యాల్లోనే భార్య‌భ‌ర్త‌లిద్ద‌రు బ‌య‌ట క‌నిపిస్తుంటారు. అలా దొరికిన‌ప్పుడు ఫోటో జ‌ర్న‌లిస్టులు అస్స‌లు విడిచిపెట్ట‌రు. తాజాగా అజిత్-షాలిని జంట‌గా ఉన్న ఓ ఫోటో సోష‌ల్ మీడియాలో వైర‌ల్ గా మారింది.

ఇందులో షాలిని గోల్డ్ క‌ల‌ర్ వెస్ట్ర‌న్ డిజైన్ దుస్తులు ధ‌రించ‌గా..అజిత్ బ్లాక్ సూట్ ధ‌రించారు. భార్య‌భ‌ర్త‌లు చాలాకాలం త‌ర్వాత ఇలా జంట‌గా క‌నిపించ‌డంతో అజిత్ అభిమానులు ఇన్ స్టా వేదిక‌గా ఈ ఫోటోని షేర్ చేస్తూ ల‌వ్ ని కురిపిస్తున్నారు. ఎంతో అంద‌మైన జంట జీవితాంతం ఇలానే ఎంతో సంతోషంగా ఉండాల‌ని...జీవిత‌మంతా క‌ల‌ర్ ఫుల్ గా ఉండాల‌ని వ్యాఖ్య‌ల్ని జోడిస్తున్నారు. అజిత్ -షాలిని `ఆమ‌ర్క‌లం` షూటింగ్ స‌మ‌యంలో ప్రేమ‌లో ప‌డిన సంగ‌తి తెలిసిందే. కొన్నాళ్ల పాటు డేటింగ్ లో ఉన్న అనంత‌రం పెద్ద‌ల్ని ఒప్పించి పెళ్లి చేసుకున్నారు. ఈ జంట‌కు అనుష్క అజిత్.. ఆద్విక్ అజిత్ వార‌సులు.

ఇక అజిత్ కి రైడింగ్ చేస్తూ బైక్ పై ట్రిప్పులు వెళ్ల‌డం అంటే ఎంతో ఇష్టం. ఇటీవ‌లే భార‌త‌దేశం లో కొన్ని ప్ర‌దేశాల్ని బైక్ పై చుట్టేసిన సంగ‌తి తెలిసిందే. దానికి సంబంధించిన కొన్ని ఫోటోలు సోష‌ల్ మీడియాలో వైర‌ల్ గా మారాయి. ఇటీవ‌లే చెన్నైకి తిరిగి వ‌చ్చారు. తిరిగి మ‌ళ్లీ షూటింగ్ ల్లో బిజీ కానున్నారు. ప్ర‌స్తుతం అజిత్ న‌టించిన `వాలిమై` వ‌చ్చే ఏడాది సంక్రాంతి కానుక‌గా రిలీజ్ కాను్న సంగ‌తి తెలిసిందే. ఇందులో అజిత్ బైక్ - కార్ రేస‌ర్ గా క‌నిపించ‌నున్నారు.