టాలీవుడ్ పై సెటైర్లు పడుతున్నాయ్

ఒక సినిమా హిట్ అయితే దానికోసం శ్రమించిన హీరో దగ్గరనుండి కెమరామెన్ దాకా అందరికి మంచి పేరొస్తుంది. ఆ పేరు వాడేస్తూ వాళ్ళ వేరే సినిమాలు ప్రోమోషన్లు చేసేస్తూ ఉంటారు. కానీ ఒక సినిమా ప్లాప్ అయితే మాత్రం వాళ్ళకి వేరే సినిమాలు రావడం కూడా కష్టమైపోతుంది. ఇలానే ఒక మ్యూజిక్ డైరెక్టర్ విషయంలో కూడా జరిగింది.

అనిరుద్ రవిచంద్రన్ కోలీవుడ్ లో ఒక సెన్సేషనల్ కంపోజర్. అతి చైనా వయసులోనే బోలెడు హిట్లు నమోదు చేసుకున్నాడు. ఇతను టాలీవుడ్ లో త్రివిక్రమ్-పవన్ కళ్యాణ్ కాంబో లో వచ్చిన మూడవ సినిమా అజ్ఞాతవాసి తో ఎంట్రీ ఇచ్చాడు. ఆ సినిమా ఎంత పెద్ద డిసాస్టర్ అయిందో తెలిసిన విషయమే. కారణాల్లో ఒకటి ఆ సినిమా మ్యూజిక్ అని, పవన్ ఇమేజ్ కి తగ్గ పాటలు పడలేదని కొందరు ఫాన్స్ ఆవేదన కూడా చెందారు. ఈ సినిమా ముందే త్రివిక్రమ్ రాబోయే సినిమాకు కూడా అనిరుధ్ నే తీసుకుందాం అనుకున్నాడు. కానీ అందులో హీరో అయిన ఎన్టీఆర్ మాత్రం అజ్ఞాతవాసి ప్లాప్ అవడం వల్ల అనిరుద్ వద్దు అని చెప్పగా, త్రివిక్రమ్ అతనిని తీసేయడం జరిగింది.

ఇప్పుడు అనిరుద్ కి తమిళ్ లో రజినీకాంత్ సినిమా కి పాటలు స్వరపరిచే అవకాశం వచ్చిన సంగతి తెలిసిందే. అనిరుధ్ ఇంతకు ముందు కూడా ధనుష్ సినిమాలకు మ్యూజిక్ కంపోజ్ చేశాడు. అందులో 3 సినిమా పెద్ద ప్లాప్ అయింది. అయినా సరే అతనికి అవకాశం ఇచ్చాడు కానీ టాలీవుడ్ లో మాత్రం ఒక సినిమా ప్లాప్ అవడం వల్ల అతనిని తీసేశారు అని రజిని మాత్రం టాలెంట్ కి గౌరవం ఇచ్చాడు అంటూ కోలీవుడ్ లో ఇపుడు మన మీద సెటైర్లు వేస్తున్నారు. అది సంగతి.