కోన వెంక‌ట్ బాంబులు పేల్చేట్లున్నాడే..

కోన వెంక‌ట్‌.. తెలుగు సినిమాల్లో స్టార్ స్టేట‌స్ సంపాదించిన అతి కొద్ది మంది రైట‌ర్లలో ఒక‌డు. కోన కెరీర్లో భారీ హిట్ల‌తో పాటు కొన్ని కాంట్ర‌వ‌ర్శీలు కూడా ఉన్నాయి. శ్రీను వైట్ల‌తో యవ్వారం స‌హా.. కొన్నిసార్లు కోన చేసిన వ్యాఖ్య‌లు వివాదాస్ప‌దం అయ్యాయి. కొన్నాళ్లు సైలెంటుగా ఉన్న‌కోన‌.. మ‌రోసారి బాంబులు పేల్చ‌డానికి సిద్ధ‌మ‌వుతున్న‌ట్లుగా ఉంది. తాజాగా ఆయ‌న ఇంట‌ర్వ్యూకు సంబంధించిన ప్రోమో ఒక‌టి యూట్యూబ్ లో హ‌ల్ చల్ చేస్తోంది. అందులో కోన చేసిన వ్యాఖ్య‌లు ఆస‌క్తి రేకెత్తిస్తున్నాయి.

ఎవ‌రో ఒక హీరో.. కోన‌ లిరిక్ రాయించినందుకు సీరియ‌స్ అయ్యాడ‌ట‌. ఆ లిరిక్ డైరెక్ట‌ర్ కు న‌చ్చినా కూడా హీరో ఒప్పుకోలేద‌ట‌. లిరిక్ నువ్వెందుకు రాయించావు.. అది డైరెక్ట‌ర్ ప‌ని క‌దా అన్నాడ‌ట‌. దీనిపై కోన ఈ ఇంట‌ర్వ్యూలో ప్ర‌స్తావించాడు. అలాగే తాను వైట్ల లాంటి ద‌ర్శ‌కుల‌పై సీరియ‌స్ అవ‌డాన్ని ప‌రోక్షంగా ప్ర‌స్తావిస్తూ.. కోపం కాదు.. మ‌న‌ల్ని గుర్తించ‌లేద‌నో.. మ‌నం అనుకున్న‌ది వాళ్లు స‌రిగా తీయ‌ట్లేద‌నో అంటూ వ్యాఖ్యలు చేశాడు.

తొడ‌గొట్ట‌డాలు.. పంచ్ డైలాగులు పేల్చ‌డాలు.. కండువా విసిరి కుర్చీలు లాగ‌డాలు ఇప్పుడు చెల్ల‌వంటూ ఓ కామెంట్ చేశాడు కోన‌. బాల‌య్య ర‌చ‌యిత‌ల‌కు వాల్యూ ఇస్తాడ‌ని.. మ‌హేష్ బంగారం అని.. ఎవ‌రి ప‌నిలోనూ జోక్యం చేసుకోడ‌ని.. ప‌వ‌న్ త‌న‌తో సినిమా చేయ‌డానికి ఎప్పుడైనా క‌థ‌తో ర‌మ్మ‌న్నాడ‌ని వ్యాఖ్యానించాడు ఈ స్టార్ రైట‌ర్. మామూలు జ‌నాల కంటే త‌న‌కు 5 ప‌ర్సంట్ టెంప‌ర్ ఎక్కువ‌ని కూడా కోన పేర్కొన్నాడు. మొత్తానికి ఈ ప్రోమో చూస్తుంటే కోన ఇంట‌ర్వ్యూ సెన్సేష‌న్ క్రియేట్ చేసేలాగే క‌నిపిస్తోంది.



Like Us on Facebook : https://www.facebook.com/Tupakidotcom/