కోన కొత్త స‌మ‌ర్ప‌ణ‌

మొన్న‌టిదాకా స్టార్ ద‌ర్శ‌కుల‌కి కూడా లేనంత క్రేజ్ కోన వెంక‌ట్‌ కి ఉండేది. ప‌ట్టింద‌ల్లా బంగారం అన్న‌ట్టు ఆయ‌న చేసిన వెంచ‌ర్ల‌న్నీ ప్రాఫిట‌బుల్‌ గా నిలిచేవి. కొన్ని సినిమాల‌కి ర‌చ‌న చేసేవాడు, మ‌రికొన్ని సినిమాల్ని స‌మ‌ర్పించేవాడు. త‌ను త‌న టీమ్ క‌లిసి ఏదో ర‌కంగా నాలుగైదు చిత్రాల్లో భాగ‌మ‌య్యేవారు. కానీ బ్రూస్‌ లీ - త్రిపుర‌ - శంక‌రాభ‌ర‌ణం లాంటి సినిమాల ఫ‌లితం నిరాశ‌ప‌రచ‌డంతో కోన ఫామ్ కోల్పోయిన‌ట్టైయ్యాడు. కోన‌.. కోన‌.. అంటూ మాట్లాడుకొన్న ఇండ‌స్ట్రీ ఇటీవ‌ల ఆయ‌న ఊసే ఎత్త‌డం లేదు. స్వ‌త‌హాగా కోన కూడా పున‌రాలోచ‌న‌లో ప‌డిపోయాడు. అయితే మ‌ళ్లీ ఇప్పుడు ఆయ‌న కొత్త ఉత్సాహాన్ని కూడ గ‌ట్టుకొని రంగంలోకి దిగుతున్నాడు. మ‌రో క్రేజీ ప్రాజెక్టుకి స‌మ‌ర్పకుడిగా వ్య‌వ‌హ‌రించేందుకు రంగం సిద్ధం చేసుకొన్నాడు. ఆ ప్రాజెక్టు ఏదో కాదు. త‌మ‌న్నా - ప్ర‌భుదేవా క‌లిసి న‌టిస్తున్న సినిమా.

ప్ర‌భుదేవా - త‌మ‌న్నా జంట‌గా తెలుగు - త‌మిళం - హిందీ భాష‌ల్లో ఓ చిత్రాన్ని తెర‌కెక్కిస్తున్నాడు ద‌ర్శ‌కుడు ఎ.ఎల్‌.విజ‌య్‌. అమ‌లాపాల్ భ‌ర్త అయిన ఎ.ఎల్‌.విజ‌య్ నాన్న‌లాంటి సినిమాని అందించి మంచి ద‌ర్శ‌కుడిగా పేరు తెచ్చుకొన్నాడు. ఆయ‌న స్వీయ నిర్మాణంలో ప్ర‌భుదేవా - త‌మ‌న్నాల‌తో తెర‌కెక్కిస్తున్నాడు. అయితే ఇప్పుడు ఈ ప్రాజెక్టు తెలుగు వ‌ర్ష‌న్‌ లో కోన భాగ‌స్వామిగా మారాడు. మాట‌లు అందిస్తూనే స‌మ‌ర్ప‌కుడిగా వ్య‌వ‌హరిస్తున్నాడు కోన‌. దీంతోపాటు సాహ‌సం శ్వాస‌గా సాగిపో సినిమాలో కూడా ఇదే ర‌కంగా భాగ‌స్వామిగా కొన‌సాగుతున్నాడు. ఈ రెండు ప్రాజెక్టులు మంచి ఫ‌లితాల్ని అందిస్తే మాత్రం కోన మ‌ళ్లీ ఫామ్‌ లోకి వ‌చ్చిన‌వాడ‌వుతాడు.