కోన ఎందుకు ఏడ్చాడంటే..

సోనమ్ కపూర్ నటించిన లేటెస్ట్ మూవీ నీర్జా చాలామందిని కదిలిస్తోంది. ఇప్పటివరకూ స్కిన్ షోకి, క్లీవేజ్ షోలకు మాత్రమే పరిచయమైన సోనమ్ కపూర్.. ఈ మూవీలో చేసిన యాక్టింగ్ కి ఆడియన్స్ అంతా హ్యాట్సాఫ్ అంటున్నారు. ప్రశంసల వర్షం కురిపిస్తున్నారు. రీసెంట్ గా నీర్జా సినిమాని చూసినట్లు చెప్పాడు టాలీవుడ్ స్టార్ రైటర్ కోన వెంకట్. నీర్జా చూసి కదిలిపోయానని కూడా అన్నాడు.

'నాలో ఇన్ని కన్నీళ్లు ఉన్నాయని, నాకు నీర్జా మూవీ చూసే వరకూ తెలీదు. సోనమ్ కపూర్ కు వంగివంగి సలామ్ చేస్తున్నా' అంటూ ట్వీట్ చేశాడు కోన. కథలు రాసి ప్రేక్షకులను కదిలించడమే రైటర్ల పని. అలాంటి ఓ రైటర్ నే ఇంతగా కదిలించడమంటే సామాన్య విషయం కాదు. ఇది ఒక వెర్షన్ అయితే.. ఈ మధ్య కోనకి బాలీవుడ్ డ్రీమ్స్ బాగా ఎక్కువగానే ఉన్నాయి. అక్కడ పాగా వేసేందుకు గాను ఆఫీస్ సెటప్ కూడా స్టార్ట్ చేసినట్లు టాక్. అందుకోసం.. అక్కడి స్టార్స్ ను లైన్లో పెట్టడానికి కూడా ఇలాంటి ట్రిక్స్ ప్లే చేస్తున్నాడని కొందరు అంటున్నారు.

దీన్ని సీరియస్ గా తీసుకోవాల్సిన పని లేదని చెప్పచ్చు. ఎందుకంటే సినిమా సూపర్ అంటూ ఓ ట్వీట్ పెట్టినంత మాత్రాన.. సినిమా స్టార్లు పడిపోయి అవకాశాలు ఇచ్చేస్తారని అనుకోవడం కరెక్ట్ కాదు. కాబట్టి.. ఈ పొగడ్తలు కోన మనసులోంచి వచ్చాయనే అనుకోవచ్చు.