మెగా డాటర్ మూవీ షూటింగ్ ఫినిష్

నాగబాబు కూతురు నీహారిక-నాగశౌర్య జంటగా నటించిన 'ఒక మనసు' శరవేగంగా షూటింగ్ జరుపుకుంటోంది. ఇప్పటికే టాకీ దాదాపు పూర్తి కావడంతో.. ఈ మనసును తట్టే అందమైన ప్రేమ కథ.. వేసవి విడుదలకు సిద్ధం అవుతోంది. సినిమాకి సంబంధించిన అప్ డేట్స్‌‌ ను హీరో నాగశౌర్య పంచుకున్నాడు.

'ఒక మనసు షూటింగ్ దాదాపుగా పూర్తయిపోయింది. ఇంకా ఒకటి రెండు రోజుల వర్క్ మాత్రమే మిగిలి ఉంది. అంతే కాదు. పోస్ట్ ప్రొడక్షన్ పనులు కూడా ఇప్పటికే స్పీడ్ గా సాగుతున్నాయి' అని చెప్పాడీ కుర్ర హీరో. మెగా ఫ్యామిలీ నుంచి వస్తున్న మొదటి హీరోయిన్ కావడంతో.. ఈ మూవీపై అంచనాలు ఎక్కువగానే ఉన్నాయి. తను హీరోయిన్ కావాలనే కోరికను పట్టుబట్టి నెరవేర్చుకుంటున్న నీహారిక.. ఇప్పటికే యాక్టింగ్ లో సత్తా చాటుతోంది. ఒకవైపు ముద్దపప్పు ఆవకాయ అంటూ వెబ్ సిరీస్ చేస్తూనే.. మరోవైపు ఈ సినిమాను కూడా పూర్తి చేసింది నీహారిక.

వెబ్ సిరీస్ లో నీహారిక నటనకు బోలెడన్ని ప్రశంలు రాగా.. త్వరలో ఒక మనసు మూవీకి ఆడియో వేడుక జరపనున్నారు. ఈ కార్యక్రమానికి మెగా ఫ్యామిలీ నుంచి అందరూ హాజరవుతారని అంచనాలున్నాయి. ఇదిలా ఉంటే ఈ ఒక మనసు మూవీ హీరో నాగశౌర్య నటించిన కళ్యాణ వైభోగమే.. ఈ నెల 4న విడుదలవుతోంది. ఈ సినమాలో నాగశౌర్యకు జంటగా మాళవిక హీరోయిన్ గా చేసింది. డైరెక్టర్ నందినీ రెడ్డికి కళ్యాణ వైభోగమే సక్సెస్ చాలా ముఖ్యం.