151 మొదలైంది.. సురేందర్ రెడ్డికి వెల్కమ్

చిరంజీవి 150వ సినిమా మొదలుకావటానికి ఎంత మంది ఎన్ని విధాలుగా సన్నాహాలు చేసిన అది చివరికి తన కొడుకు నిర్మాణంలో జరిగింది. రామ్ చరణ్ నిర్మాతగా నిర్మించిన మొదటి సినిమా ఖైదీ 150. కొణిదెల ప్రొడక్షన్ కంపెనీ లో వచ్చిన చిరు 150 వ చిత్ర విజయం ఇప్పుడు మళ్ళీ చిరు కుటంబం గుర్తు చేసుకుంటుంది. ప్రొడక్షన్ కంపెనీ ప్రారంబించి ఒక ఏడాది పూర్తి కావడం తో వార్షికోత్సవ సంబరాలు ఆదివారం చిరంజీవి ఇంట్లో చాలా గొప్పగా జరిగాయి.

సంబరం ఇప్పుడు 150వ చిత్రం విజయానికి మాత్రమే కాదు చిరు 151వ చిత్రం ఆరంభానికి కూడా అని రామ్ చరణ్ చెబుతున్నాడు. మా నాన్న వచ్చే సినిమా కూడా నేనే నిర్మాతను. ఆ సినిమాకు డైరక్షన్ భాద్యతలు సురేందర్ రెడ్డి నిర్వహిస్తారు. అని అందరికీ తెలియచేస్తు అతన్ని కొణిదెల ప్రొడక్షన్‌ కంపెనీ లోనికి స్వాగతం పలికారు రామ్ చరణ్. వేడుక పూర్తయిన తరువాత మీడియా తో మాటలాడుతూ చాలా సంతోషంగా ఉందంటూ చరణ్‌ చెప్పుకొచ్చాడు. అయితే తన సినిమా ప్రోగ్రెస్ గురించి మాత్రం చెప్పలేదు. అదేనండీ సుకుమార్ తో చేస్తున్న సినిమా గురించి అంతా సీక్రెట్ గానే ఉంచాడు.

ఇక బాహుబలి 2 చూశాడట. రాజమౌళి ప్రతిభకు ఎల్లలులేవు.. తన కష్టం తెర పై చూసి చాలా ఆనందపడ్డాను. మన తెలుగువాడు ప్రపంచ స్థాయి చిత్రం తీసినందుకు చాలా గర్వంగా ఉంది అని చెబుతూ ఆ సినిమాకు పని చేసిన నటీనటులు మరియు సాంకేతిక నిపుణులను అభినందిచాడు చరణ్‌.

Like Us on Facebook : https://www.facebook.com/Tupakidotcom/