ప్రొడ్యూసర్ కాదు ప్రెజెంటర్ మాత్రమే!

ఈమధ్య చాలామంది దర్శకులు నిర్మాతలుగా మారుతున్న సంగతి తెలిసిందే. అదే కోవలో స్టార్ డైరెక్టర్ కొరటాల శివ కూడా నిర్మాతగా మారుతున్నాడని.. తన మిత్రుడు సుధాకర్ మిక్కిలినేనితో కలిసి సినిమాలు నిర్మిచడానికి రంగం సిద్ధం చేసుకుంటున్నాడని వార్తలు వచ్చాయి. కానీ లేటెస్ట్ అప్డేట్ ఏంటంటే కొరటాల పూర్తి స్థాయి నిర్మాతగా మాత్రం మారడం లేదట.

తన ఫ్రెండ్ సుధాకర్ మిక్కిలినేని బ్యానర్లో నిర్మించబోయే చిత్రాలకు ప్రెజెంటర్ గా మాత్రమే వ్యవహరిస్తాడట. టెక్నికల్ గా కొరటాల శివ ప్రెజెంట్స్ అని మాత్రమే ఉంటుంది. కానీ బ్యాక్ ఎండ్ లో మాత్రం క్రియేటివ్ అడ్వైజర్ పాత్ర పోషిస్తాడట. యువ దర్శకులు తీసుకొచ్చే కథలను వినడం.. అవసరమైతే వాటికి మార్పుచేర్పులు సూచించడం.. కథను ఫైనలైజ్ చేయడం లాంటివి క్రియేటివ్ అంశాలను కొరటాల చూసుకుంటాడట. ఇప్పటికే పలువురు యువదర్శకులు తీసుకొచ్చిన కథలను కొరటాల విన్నాడట. ఇలా ఫైనలైజ్ చేసిన కథలను యువ హీరోలతో.. మీడియం రేంజ్ హీరోలతో నిర్మిస్తారట.

ఇదిలా ఉంటే మెగాస్టార్ చిరంజీవి కొరటాల శివ దర్శకత్వంలో నటించేందుకు గ్రీన్ సిగ్నల్ ఇచ్చిన సంగతి తెలిసిందే. ఈ సినిమా ప్రీ ప్రొడక్షన్ జోరుగా సాగుతోందట. చిరు తన డేట్స్ ఇవ్వడమే ఆలస్యం.. సెట్స్ పైకి తీసుకెళ్లేందుకు కొరటాల రెడీ గా ఉన్నాడట. చిరంజీవి ప్రస్తుతం 'సైరా' షూటింగ్ తో బిజీగా ఉన్నాడు. అందుకే మార్చ్ నుండి చిరంజీవి - కొరటాల సినిమా సెట్స్ పైకి వెళ్ళే అవకాశం ఉందని టాక్ వినిపిస్తోంది.