మలేషియాలో మహేష్ తో పాటే కొరటాల

మురుగదాస్ డైరెక్షన్ లో మూవీ చేస్తున్న మహేష్ బాబు.. ఆ సినిమా షూటింగ్ షార్ట్ బ్రేక్ ఇచ్చి మరీ మలేషియా వెళ్లిన సంగతి ఇప్పటికే చెప్పేసుకున్నాం. బాడీ డీటాక్సినేషన్ కోసం మహేష్ బాబు మలేషియాలో ల్యాండ్ అయ్యాడనే సంగతి కూడా తెలిసిందే. అక్కడ దాదాపు 10 రోజుల పాటు గడపనున్నాడు మహేష్.

అయితే.. మహేష్ బాబుతో పాటు ఈ పది రోజుల పాటు దర్శకుడు కొరటాల శివ కూడా అక్కడే ఉండనుండడం హాట్ టాపిక్ గా మారింది. ప్రస్తుతం మురుగదాస్ తో తదుపరి సినిమా చేస్తున్న మహేష్.. ఆ తర్వాత కొరటాలతో సినిమా చేసేందుకు ఇప్పటికే గ్రీన్ సిగ్నల్ ఇచ్చేశాడు. ఈ సినిమాకి సంబంధించి ఫైనల్ డ్రాఫ్ట్ ను సిద్ధం చేశాడట కొరటాల. దీనికి సంబంధించి తుది మెరుగులు దిద్దడంలో మహేష్ తో సంప్రదింపులు జరిపేందుకే మలేషియాకి కొరటాల వెళ్లాడని తెలుస్తోంది.

మరోవైపు.. మ్యూజిక్ డైరెక్టర్ దేవిశ్రీ ప్రసాద్ కూడా మలేషియాలో ల్యాండ్ కానున్నాడని తెలుస్తోంది. అక్కడే కొన్ని మ్యూజిక్ సిట్టింగ్స్ వేయనున్నారట హీరో మహేష్.. డైరెక్టర్ కొరటాల.. కంపోజర్ దేవిశ్రీ. హెల్త్ కోసం మలేషియా వెళ్లిన మహేష్.. ఏ మాత్రం టైం వేస్ట్ కాకుండా.. నెక్ట్స్ ప్రాజెక్టుకు సంబంధించి వర్క్స్ ను ఫైనల్ చేస్తుండడం గమనించాల్సిన విషయం.

Like Us on Facebook : https://www.facebook.com/Tupakidotcom/