శివ వెయిటింగ్ మీద కామెంట్స్

ఎప్పుడా అని ఎదురుచూస్తున్న సైరా షూటింగ్ పూర్తయ్యింది. కొణిదెల టీమ్ పోస్ట్ ప్రొడక్షన్ లో బిజీగా ఉంది. అక్టోబర్ 2న విడుదల కాబోతున్న ఈ మెగా మూవీ మీద అంచనాలు మాములుగా లేవు. ఇప్పటికే బిజినెస్ డీల్స్ కి సంబంధించిన వార్తలు ట్రేడ్ లో టాక్ అఫ్ ది టౌన్ గా మారాయి. రెండేళ్లకు పైగా గ్యాప్ తో తొలిసారి స్వతంత్ర సమరయోధుడి పాత్రలో చిరు చేస్తున్న మూవీ కాబట్టి అంచనాలు కూడా ఓ రేంజ్ లో ఉన్నాయి. ఇక దీని తర్వాత చిరుని డైరెక్ట్ చేయడానికి ఉవ్విళూరుతున్న కొరటాల శివ ఎదురు చూపులు ఇంకా కొనసాగుతూనే ఉన్నాయి.

అప్పుడు ఇప్పుడు అంటున్నారే తప్ప అసలు ఎప్పుడు స్టార్ట్ చేస్తారో అర్థం కావడం లేదు. ప్రాజెక్ట్ పక్కానే కానీ డేట్ మాత్రం సెట్ చేయడం లేదు. భరత్ అనే నేను వచ్చి ఏడాది దాటేసింది. కొరటాల శివ కోరాలే కానీ ఏ స్టార్ హీరో అయినా డేట్స్ ఇస్తాడు. తీసిన నాలుగు సినిమాలు బ్లాక్ బస్టర్లు కొడితే ఆ మాత్రం డిమాండ్ ఉండటం సహజం. కానీ చిరంజీవితో చేసే అవకాశం ఇప్పుడు వదులుకుంటే అంత ఈజీగా మళ్ళీ దక్కదు.

అందుకే ఆలస్యం అవుతున్నా వేచి చూడటంలోనే సమయం గడిపేస్తున్నాడు కొరటాల. అయితే ఇంత వెయిట్ చేయడం అవసరమా అనే కామెంట్స్ శివ మీద ఇండస్ట్రీలో వినిపిస్తున్నాయి. ఇంత గ్యాప్ లో ఈజీగా మరో సినిమా చేసే అవకాశాన్ని వదులుకున్నాడనే మాట కూడా లేకపోలేదు . ఏదో ఒకటి వీలైనంత త్వరగా క్లారిటీ ఇచ్చేస్తే వీటికి చెక్ పెట్టవచ్చు. లేకపోతే ఈ కామెంట్లు ఊహాగానాలు కొనసాగుతూనే ఉంటాయి