గ్యారేజ్ కోసం మంత్రి ట్వీట్స్ వేస్తే!!

గత రాత్రి పెళ్లి చూపులు మూవీ చూసిన తెలంగాణ ఐటీ మంత్రి కేటీఆర్ కు.. సినిమా ఎంతగా నచ్చిందంటే.. వెంటనే ఆ మూవీని డైరెక్టర్ ని పొగడుతూ ట్వీట్స్ పెట్టేశారు. కేటీఆర్ పెట్టిన ట్వీట్స్ ఆ మూవీ కలెక్షన్స్ ని బాగానే పెంచుతుందనే టాక్ ఇండస్ట్రీలో వినపిస్తుంది. ఇదే విధంగా కెటిఆర్‌ ఓ స్టార్ హీరో సినిమాకి ట్వీట్స్ పెడితే ఎలా ఉంటుంది? ఇప్పటివరకూ ఇలాంటిదేమీ జరగలేదు కానీ.. జనతా గ్యారేజ్ కోసం ఇది సాధ్యమవుతుందా అనే చర్చ మొదలయిపోయింది.

కమర్షియల్ ఎలిమెంట్స్ ని సోషల్ మెసేజ్ తో మిక్స్ చేసే దర్శకుడు కొరటాల శివ. ఇప్పుడు ఎన్టీఆర్ తో తీస్తున్న జనతా గ్యారేజ్ లో మొక్కలు పెంచడాన్ని.. కాపాడడాని ఓ ఉద్యమంగా చేపట్టే పాత్ర చేయిస్తున్నాడు. సినిమాలో ఎన్టీఆర్ తో ఈ రోల్ చేయిస్తున్న మాట రైటే అయినా.. ఇప్పటికే హరితహారం పేరుతో.. లక్షలాది మొక్కలను రాష్ట్రమంతటా పంచి పెట్టి.. గ్రీనరీని పెంచి పోషించేందుకు తెలంగాణ రాష్ట్రంలో ప్రణాళికలు అమలు చేస్తున్నారు. ఇప్పటికీ ఈ కార్యక్రమం నడుస్తోంది. ఇలాంటి టైమ్ లో కెటిఆర్‌ కు ఈ మూవీ చూపించి.. పాజిటివ్ గా ఒక్క మాట చెప్పించాలని దర్శకుడు కొరటాల శివ ఆలోచిస్తున్నాడట.

టు హరితహారం ప్రాజెక్ట్ సక్సెస్ కావడంతో ఊపు మీదన్నారు కెటిఆర్. ఇదే సమయంలో అదే కాన్సెప్ట్ తో తెరకెక్కిన జనతా గ్యారే్జ్ కు ఆయనతోనే ప్రచారం చేయించాలనే ప్రయత్నాలు ఊపందుకున్నాయట. ఒకవేళ ఇదే సాధ్యమైతే మాత్రం.. జనతా గ్యారేజ్ కొత్త హిస్టరీ క్రియేట్ చేయడమే ఖాయమే.