సింగిల్ రిలీజ్‌: మిస్ ఇండియా 'కొత్త కొత్త‌గా..'

అందాల క‌థానాయిక కీర్తి సురేష్ కెరీర్ జ‌ర్నీ గురించి తెలిసిందే. మ‌హాన‌టి ఫేం కీర్తి అన్న ట్యాగ్ ఈ అమ్మ‌డికి కొన్ని కోణాల్లో క‌లిసి వ‌చ్చినా.. చాలా కోణాల్లో మైన‌స్ అయ్యింది. అయితే ప్ర‌తి మైన‌స్ ని ప్ల‌స్ గా మ‌లుచుకోవ‌డ‌మే ఆర్టిస్టు ట్యాలెంట్. ఆ క్ర‌మంలోనే కీర్తి సౌత్-నార్త్ అనే తేడా లేకుండా అన్నిచోట్లా ప్ర‌య‌త్నిస్తోంది. బాలీవుడ్ లో అజ‌య్ దేవ‌గ‌న్ ప్ర‌ధాన పాత్ర పోషిస్తున్న‌ ఓ ప్ర‌తిష్ఠాత్మ‌క చిత్రానికి సంత‌కం చేసింది. దీంతో పాటే న‌గేష్ కుకునూర్ ద‌ర్శ‌క‌త్వంలో ఓ సినిమా.. మ‌ల‌యాళంలో మ‌ర‌క్కార్ అనే భారీ పాన్ ఇండియా చిత్రంలోనూ న‌టిస్తోంది.

ఇవేగాక తెలుగులో `మిస్ ఇండియా` అనే చిత్రంలో న‌టిస్తోంది. ఇది లేడీ ఓరియెంటెడ్ మూవీ. కీర్తిపైనే క‌థ అంతా న‌డుస్తుంది. మిస్ ఇండియాగా కీర్తి లుక్ ఎలా ఉండ‌బోతోందో ఇంత‌కుముందు కొన్ని ఫోటోల్ని రివీల్ చేసింది చిత్ర‌బృందం. తాజాగా ఈ సినిమా నుంచి తొలి సింగిల్ రిలీజైంది. `కొత్తగా కొత్తగా` అంటూ సాగే పాటను ప్రముఖ గాయ‌ని శ్రేయా ఘోషల్ పాడారు. శ్రేయ ఎప్ప‌టిలానే త‌న‌దైన శైలిలో మ్యాజిక్ చేసింది. ఇక ఈ పాట‌కు థ‌మ‌న్ ట్యూన్ ఎంతో ల‌య‌బ‌ద్ధంగా ఆక‌ట్టుకుంది. కళ్యాణ్ చక్రవర్తి సంద‌ర్భానికి త‌గ్గ‌ట్టే సాహిత్యాన్ని అందించారు. ఇక ఈ చిత్రంలో యువ‌ హీరో నవీన్ చంద్రతో కీర్తి రొమాన్స్ చేస్తోంది. న‌రేంద్రనాథ్ ఈ చిత్రానికి దర్శకత్వం వహిస్తున్నారు.

మ‌హాన‌టి త‌ర్వాత ర‌క‌ర‌కాల త‌మిళ అనువాద చిత్రాల‌తో కీర్తి సంద‌డి చేసినా అవేవీ ఆశించినంత విజ‌యాన్ని అందించ‌లేదు. క‌నీసం ఈ తెలుగు స్ట్రెయిట్ మూవీతో అయినా కంబ్యాక్ అవుతుందేమో చూడాలి. క‌థ‌ల ప‌రంగా రొటీన్ స్ట‌ఫ్ తో కాకుండా లేడీ ఓరియెంటెడ్ కి ప్రాధాన్య‌త‌నివ్వ‌డం కీర్తికి ఒక ర‌కంగా మైన‌స్ అవుతోంది. తెలుగులో అగ్ర హీరోల స‌ర‌స‌న అవ‌కాశాలు లేని ప‌రిస్థితి క‌నిపిస్తోంది. అయితే లేడీ ఓరయెంటెడ్ తో అనుష్క - న‌య‌న్ రేంజులో వ‌సూళ్లు తెచ్చే స‌త్తా త‌న‌కు ఉంద‌ని మ‌హాన‌టి నిరూపించింది. ఇప్పుడు అదే ఆశ‌తో మిస్ ఇండియాని తెర‌కెక్కిస్తున్నారు. మ‌రి ఈ చిత్రం బాక్సాఫీస్ వ‌ద్ద ఎలాంటి మానియా చూపిస్తుందో చూడాలి.