'సలార్'లో క్రాక్ బ్యూటీ క్యారెక్టర్ అదేనట!

స్టార్ హీరోయిన్ శృతిహాసన్ కు ఈ ఏడాది మంచి శుభారంభం లభించింది. మాస్ రాజా రవితేజ సరసన నటించిన క్రాక్ సినిమా బాక్సాఫీస్ వద్ద బ్లాక్ బస్టర్ విజయం అందుకోవడంతో ఈ అమ్మడు ఇండస్ట్రీలో హాట్ టాపిక్ గా మారింది. దాదాపు మూడేళ్ల తర్వాత క్రాక్ సినిమాతో రీఎంట్రీ ఇచ్చిన శృతి.. వచ్చిరాగానే సూపర్ హిట్ లభించడంతో అమ్మడి దశ తిరిగిందనే చెప్పాలి. ఎందుకంటే క్రాక్ అయిన వెంటనే పాన్ ఇండియా మూవీ సలార్ మూవీలో ఛాన్స్ కొట్టేసింది. డార్లింగ్ ప్రభాస్ హీరోగా నటిస్తున్న ఈ సినిమా పక్కా మాస్ ఓరియెంటెడ్ మూవీగా తెరకెక్కుతుంది. అయితే ఇప్పటికే ఓ షెడ్యూల్ పూర్తి చేసుకున్న సలార్.. ఇప్పుడు సెకండ్ షెడ్యూల్ కోసం రెడీ అవుతోంది.

అయితే మొదటి షెడ్యూల్లో ప్రభాస్ తో పాటు శృతి కూడా పాల్గొంది. ఇప్పుడు రెండో షెడ్యూల్లో పాల్గొనేందుకు సిద్ధంగా ఉంది కానీ కరోనా కారణంగా సినిమా షూటింగ్ నిలిచిందని టాక్. ఇదిలా ఉండగా.. సలార్ సినిమాలో శృతి పాత్ర గురించి ప్రస్తుతం అటు సోషల్ మీడియాలో.. ఇటు ఇండస్ట్రీలో చర్చలు నడుస్తున్నాయి. అయితే ఈ సినిమాలో శృతి ఓ జర్నలిస్ట్ పాత్రలో నటిస్తున్నట్లు తెలుస్తుంది. జర్నలిస్ట్ క్యారెక్టర్ ఇదివరకు సింగం-3 లో కూడా చేసింది అమ్మడు. ప్రస్తుతం సలార్ సెట్ హైదరాబాద్ శివారులో రెడీ అవుతోంది. ఈ సినిమాను కేజీఎఫ్ డైరెక్టర్ ప్రశాంత్ నీల్ డైరెక్ట్ చేస్తుండగా విజయ్ కిరగందుర్ నిర్మిస్తున్నారు. వచ్చే ఏడాది సినిమా విడుదల కాబోతుంది. ప్రస్తుతం సలార్ తో పాటు శృతి.. విజయ్ సేతుపతి సరసన లాభమ్ సినిమాలో నటిస్తుంది.