హిందీ క్రాక్.. వాళ్లిద్దరిలో ఒకరు ఫిక్స్ అంటున్న డైరెక్టర్..!

మాస్ మహారాజ్ రవితేజ హీరోగా గోపీచంద్ మలినేని డైరెక్షన్ లో వచ్చిన సినిమా క్రాక్. ఆల్రెడీ ఈ ఇద్దరి కాంబోలో డాన్ శీను, బలుపు సినిమాలు వచ్చాయి. హ్యాట్రిక్ కాంబినేషన్ లో వచ్చిన ఈ సినిమా బాక్సాఫీస్ కి ఊపు తెచ్చింది. కోవిడ్ లాక్ డౌన్ తర్వాత బాక్సాఫీస్ కి కొత్త కళ తెచ్చింది క్రాక్. అంతేకాదు మరోసారి రవితేజ స్టామినా ఏంటో ప్రూవ్ చేసింది.

తెలుగులో హిట్టైన ప్రతి సినిమా హిందీలో రీమేక్ అవుతున్న విషయం తెలిసిందే. ముందే ప్లానింగ్ ఉంటే తెలుగుతో పాటు హిందీ రిలీజ్ కూడా చేస్తున్నారు. కానీ క్రాక్ కేవలం తెలుగు వెర్షన్ మాత్రమే రిలీజైంది. అందుకే ఈ మూవీని హిందీలో రీమేక్ చేయాలని ప్రయత్నాలు చేస్తున్నారట. క్రాక్ బాలీవుడ్ రీమేక్ లో హీరోగా ఎవరు నటిస్తారు అన్నది ఆసక్తికరంగా మారింది. మాస్ అండ్ కమర్షియల్ సినిమాగా వచ్చిన క్రాక్ సినిమాలో పవర్ ఫుల్ పోలీస్ ఆఫీసర్ గా రవితేజ అదరగొట్టారు. అయితే డైరెక్టర్ గోపీచంద్ మలినేని తన దృష్టిలో హిందీలో ఈ సినిమా అజయ్ దేవగన్ కానీ, రణ్ వీర్ సింగ్ కానీ చేస్తే బాగుంటుందని అనుకుంటున్నారట.

ఇద్దరిలో ఎవరితో కుదిరితే వారితో ఈ సినిమా చేయాలనే ప్లాన్ లో ఉన్నట్టు తెలుస్తుంది. క్రాక్ హిందీ రీమేక్ ని కూడా గోపీచంద్ డైరెక్ట్ చేస్తారా.. అక్కడ ఈ సినిమాను ఎవరు నిర్మిస్తారు.. హీరోయిన్ గా ఎవరు చేస్తారు లాంటి విషయాలపై క్లారిటీ రావాల్సి ఉంది. ప్రస్తుతం గోపీచంద్ మలినేని బాలయ్యతో వీర సింహా రెడ్డి సినిమా చేశాడు. ఈ సినిమా సంక్రాంతి బరిలో దిగుతుంది. బాలయ్య మార్క్ మాస్ యాక్షన్ మూవీగా వీర సింహా రెడ్డి వస్తుంది. సినిమా పై భారీ అంచనాలు ఉండగా సినిమా తప్పకుండా నందమూరి ఫ్యాన్స్ ని సినీ ప్రేక్షకులను అలరిస్తుందని నమ్మకంతో చెబుతున్నారు డైరెక్టర్ గోపీచంద్ మలినేని.

క్రాక్ హిందీ వర్షన్ కూడా గోపీచంద్ డైరెక్ట్ చేస్తే తెలుగు నుంచి మరో డైరెక్టర్ బాలీవుడ్ కి వెళ్లినట్టు అవుతుంది. క్రాక్ సినిమా బాలీవుడ్ రీమేక్ పై మరిన్ని డీటైల్స్ త్వరలో తెలుస్తాయి.