'క్రాక్' ట్రైలర్ టాక్: మాస్ మహారాజ్ క్రాకిఫైడ్ యాక్షన్ ఎంటర్టైనర్..!

మాస్‌ మహారాజ్ రవితేజ - దర్శకుడు గోపీచంద్‌ మలినేని కాంబినేషన్‌ లో వస్తోన్న హ్యాట్రిక్‌ చిత్రం ''క్రాక్‌''. సరస్వతి ఫిలిం డివిజన్ బ్యానర్‌ పై ఠాగూర్ మధు ఈ చిత్రాన్ని నిర్మించారు. వాస్తవ సంఘ‌ట‌న‌ల ఆధారంగా రూపొందిన ఈ రవితేజ పవర్‌ ఫుల్‌ పోలీస్‌ అధికారిగా కనిపించనున్నారు. శృతి హాసన్ హీరోయిన్ గా నటించింది. సంక్రాంతి కానుక ఈ చిత్రాన్ని జనవరి 14న ప్రేక్షకుల ముందుకు తీసుకురానున్నారు. ఈ నేపథ్యంలో ప్రచార కార్యక్రమాలతో సినిమాపై బజ్ ని క్రియేట్ చేసిన మేకర్స్ కొత్త సంవత్సరాన్ని పురస్కరించుకుని ‘క్రాక్‌’ ట్రైలర్‌ ను చిత్రబృందం శుక్రవారం విడుదల చేసింది.

'క్రాక్' ట్రైలర్ 'జేబులో ఉండాల్సిన నోటు.. చెట్టుపై ఉండాల్సిన కాయ.. గోడకి ఉండాల్సిన మేకు.. ఈ మూడు.. ముగ్గురు తోపుల్ని తొక్కి తాటతీససాయి' అని విక్టరీ వెంకటేష్ చెప్పే వాయిస్ ఓవర్ తో ప్రారంభమవుతుంది. పోతరాజు వీరశంకర్ అనే పోలీసుగా రవితేజ ఇరగదీసాడని అర్థం అవుతోంది. 'స్యూర్ షాట్.. నో డౌట్.. పుచ్చపేలిపోద్ది' 'ఒంగోలు నడి రోడ్డుమీద నగ్నంగా నిలబెట్టి నవరంద్రాల్లో సీసం పోస్తా' వంటి డైలాగ్స్ మాస్ ఆడియన్స్ ని విపరీతంగా ఆకట్టుకుంటున్నాయి. ముఖ్యంగా యాక్షన్ పార్ట్ మీద ప్రత్యేక శ్రద్ధ పెట్టారు.

'డిస్కోరాజా' ప్లాప్ తర్వాత హిట్ కోసం రవితేజ మాంచి కసితో వర్క్ చేసినట్లు తెలుస్తోంది. ఇందులో తమిళ నటుడు, దర్శకుడు సముద్రఖని - వరలక్ష్మీ శరత్ కుమార్ - రవి శంకర్ కీలక పాత్రల్లో కనిపిస్తున్నారు. ఈ ట్రైలర్ కి థమన్ ఇచ్చిన నేపథ్య సంగీతం.. సినిమాటోగ్రాఫర్ జీకే విష్ణు విజువల్స్ బాగున్నాయి. మొత్తం మీద యాక్షన్ - ఎంటర్‌టైన్మెంట్ - రొమాన్స్ కలబోసిన ఈ మాస్ కా బాప్ 'క్రాక్' ట్రైలర్ విశేష స్పందన తెచ్చుకుంటోంది. మరి సంక్రాంతి పండుగకు ప్రేక్షకుల ముందుకు రానున్న 'క్రాక్' ఎలాంటి విజయన్ని నమోదు చేస్తుందో చూడాలి.