బాలయ్య సినిమా లేటయినా పర్లేదు

నందమూరి నటసింహం బాలకృష్ణ నటిస్తున్న వందో మూవీ గౌతమీ పుత్ర శాతకర్ణి. శాతవాహన రాజుల కాలం నాటి కథాంశంతో చారిత్రక నేపథ్యం ఉన్న స్టోరీని తెరకెక్కిస్తున్న దర్శకుడు క్రిష్.. ఈ సినిమాపై వస్తున్న కొన్ని సందేహాలను నివృత్తి చేసేశాడు.

గౌతమిపుత్ర శాతకర్ణి ప్రారంభం జరుపుకున్నపుడే.. 2017 సంక్రాంతికి రిలీజ్ చేస్తామని చెప్పేశారు. ఇందుకు తగ్గట్లుగానే షెడ్యూల్స్ ప్లాన్ చేసుకుని.. ఆ మేరకే షూటింగ్ ఫినిష్ చేసేస్తున్నారు కూడా. అయితే.. మధ్యలో క్రిష్ పెళ్లి వేడుకల కారణంగా కొంత ఆలస్యం చోటు చేసుకుంది. ఈ లేట్ ని కవర్ చేయడానికి.. శాతకర్ణిని కొంతమేర చుట్టేస్తున్నారని.. క్వాలిటీ విషయంలో సందేహాలు తలెత్తుతున్నాయనే మాటలు వినిపించేస్తున్నాయి. ఈ ఆరోపణలపై క్రిష్ సమాధానమిచ్చాడు.

లోపాలతో కూడిన సినిమా రిలీజ్ చేయడం కంటే.. సంక్రాంతి డెడ్ లైన్ అందుకోలేకపోవడం బెటర్ అనేశాడు. ఔట్ పుట్ క్వాలిటీలో కాంప్రమైజ్ అయ్యే సమస్యే లేదని.. లేటయినా పర్లేదు కానీ.. పర్ఫెక్ట్ ప్రొడక్ట్ తో ప్రేక్షకుల ముందుకు వస్తామని అంటున్నాడు క్రిష్. అయితే.. గౌతమి పుత్ర శాతకర్ణి లేట్ అయ్యే సమస్యే లేదని.. కచ్చితంగా అనుకున్న డేట్ కి వచ్చేయడం మాత్రం గ్యారంటీ అంటూ భరోసా ఇచ్చేందుకు ట్రై చేశాడు క్రిష్.



Like Us on Facebook : https://www.facebook.com/Tupakidotcom/