మెగా బాబు వద్దంటే.. బాలీవుడ్ లో ఓకే

టాలీవుడ్ డైరెక్టర్ క్రిష్.. ఇంకా కొత్త ప్రాజెక్ట్ స్టార్ట్ చేయలేదు. మెగా ప్రిన్స్ వరుణ్ తేజ్ కంచెతో సక్సెస్ సాధించాక.. దాన్ని హిందీలో సెట్ చేసేందుకు ట్రై చేశాడు. ఆ ప్రాజెక్ట్ వర్కవుట్ కాలేదు. ఆ తరువాత మరోసారి వరుణ్ తేజ్-ప్రగ్యా జైస్వాల్ కాంబినేషన్ లోనే రాయబారి అన్నాడు. చివరకు అది కూడా అటకెక్కేసింది. ట్యాలెంటెడ్ డైరెక్టర్ క్రిష్ .. ఇలా ప్రాజెక్టు స్టార్ట్ చేయడానికి ఇబ్బంది పడ్డమేంటా అనే ఆశ్చర్యం వేసింది. చివరకు బాలీవుడ్ లోనే తేలుతున్నాడు ఈ దర్శకుడు.

గబ్బర్ ఈజ్ బ్యాక్ అంటూ.. బాలీవుడ్ సూపర్ స్టార్ అక్షయ్ కుమార్ కు సూపర్ హిట్ ఇచ్చిన క్రిష్.. మరోసారి అదే స్టార్ తో జతకట్టబోతున్నాడు. హిందీ-తమిళ్ రెండు భాషల్లోనూ ఒకే సమయంలో ఈ ప్రాజెక్ట్ నిర్మించనున్నారు. ఈరోస్ ఇంటర్నేషనల్ కు చెందిన అనుబంధ సంస్థ ట్రినిటీ పిక్చర్స్.. ఈ మూవీని నిర్మించనుంది. ఇద్దరు పోలీసులకు చెందిన స్టోరీ ఇది అని తెలుస్తోంది. ఒకరు ఉత్తరాదికి చెందిన పోలీస్ అయితే, మరొకరు సౌత్ కాప్ అన్నమాట. నార్త్ కు చెందిన రోల్ లో అక్షయ్ కుమార్ కనిపించనున్నాడు.

ఈ మూవీలో మరో ఇంపార్టెంట్ రోల్ లో చేసేందుకు కోలీవుడ్ స్టార్ ని ఒప్పించేందుకు ట్రై చేస్తున్నాడు క్రిష్. గబ్బర్ ఈజ్ బ్యాక్ లాంటి హిట్ మరోసారి గ్యారంటీగా వస్తుందని.. అక్షయ్ అభిమానులు హ్యాపీగా ఉన్నారిపుడు. క్రిష్ ఈ ప్రాజెక్టునయినా.. సెట్స్ వరకూ తీసుకెళ్లాలని ఆశిద్దాం.