సంచలనాలకి డిసెంబర్ టార్గెట్!!

2016 కేలండర్ మారడానికి.. సంక్రాంతి రావడానికి ఇంకా 3 నెలల టైముంది. కానీ పొంగల్ ని టార్గెట్ చేసుకొన్న సినిమాలు మాత్రం అప్పుడే హడావుడి మొదలుపెట్టేశాయ్. ఒకదాని తర్వాత మరోటి లైన్లోకి వచ్చి అభిమానుల్ని పలకరిస్తున్నాయ్. శతమానం భవతి.. గౌతమి పుత్ర శాతకర్ణి అయితే ఫస్ట్ లుక్.. టీజర్లతో వచ్చేసి దసరా శుభాకాంక్షలు చెప్పేసి సంక్రాంతికి కలుద్దామన్నాయ్. ఇక టీజర్ ఇచ్చిన కిక్ నుంచి బయటికి రాకముందే బాలయ్య అభిమానులకి మరో ఊపొచ్చే న్యూస్ ఒకటి అందుతోంది

డిసెంబర్ ఫస్ట్ వీక్ లో గౌతమీ పుత్ర శాతకర్ణి ఆడియోని రిలీజ్ చేయాలని మూవీ యూనిట్ భావిస్తోంది. కుదిరితే దీపావళికి మరోసారి పలకరించి.. డిసెంబర్లో పాటలు.. ట్రైలర్ వదిలితే కంటిన్యూగా ఏదో ఒక యాక్టివిటీతో ఫ్యాన్స్ తో టచ్ ఉన్నట్టుంటుందనేది గౌతమీపుత్రశాతకర్ణి టీమ్ అంచనా. ఇక టీజర్ కోసం చిరంతన్ భట్ అందించిన బ్యాగ్రౌండ్ స్కోర్ అరుపులు పెట్టించింది. పాటలు కూడా అంతకుమించి ఉంటాయని ఆశిస్తున్నారు బాలయ్య అభిమానులు. తక్కువ బడ్జెట్ లోనే కంచె లాంటి అద్భుతమైన సినిమా తెరకెక్కించిన ఘనత డైరెక్టర్ క్రిష్ ది. అలాంటిది గౌతమి పుత్ర శాతకర్ణి లాంటి చారిత్రక నేపథ్యమున్న చిత్రాన్ని తెరకెక్కిస్తున్నాడంటే ఇంకెంత పర్ఫెక్ట్ ప్లానింగ్ తో ఉంటాడు. క్రిష్ టైమింగ్ చూస్తుంటే సరిగ్గా అలాగే అనిపిస్తోంది.

జనవరి 12న మూవీ రిలీజ్ కాబట్టి డిసెంబర్ లో పాటలు విడుదల చేస్తే ఆడియో- మూవీ రిలీజ్ కి పెద్ద గ్యాప్ ఉండదు సో ఫ్యాన్స్ తో మిగిలిన మూవీ లవర్స్ కూడా గౌతమీపుత్రుడికి ఈజీగా కనెక్టవుతారు. అందుకే ఎలాగైనా సరే డిసెంబర్ ఫస్ట్ వీక్ లో పాటల్ని విడుదల చేయాలని పట్టుదలగా ఉన్నారు. అదే జరిగితే బాలయ్య అభిమానులకి సంక్రాంతి పండగ నెల ముందుగా డిసెంబర్లో వచ్చినట్టే.

Like Us on Facebook : https://www.facebook.com/Tupakidotcom/