వైట్ల కాదట.. నాగ్ ఆ దర్శకుడిని లాక్ చేశారట

'Mr.మజ్ను' ప్రేక్షకుల అంచనాలు అందుకోలేకపోవడంతో మరోసారి అఖిల్ కు నిరాశ తప్పలేదు. కెరీర్ లో బ్రేక్ కోసం మరికొంతకాలం వేచి చూడకతప్పని పరిస్థితి ఏర్పడింది. ప్రస్తుతానికయితే అఖిల్ 'Mr.మజ్ను' ప్రమోషన్స్ లో బిజీగా ఉన్నాడు. ఈ సినిమా ఫలితం సంగతి దాదాపు తేలిపోయినట్టే. మరి అఖిల్ నెక్స్ట్ సినిమా సంగతి ఏంటి? అఖిల్ ఏ దర్శకుడితో సినిమా చేస్తాడు?

ఇప్పటికే ఈ విషయలో రూమర్లు చాలానే వినిపిస్తున్నాయి.. అక్కినేని అభిమానులను కలవరపాటుకు గురిచేస్తున్నాయి. అస్సలు ఫామ్ లో లేని శ్రీను వైట్లతో అఖిల్ సినిమా ఉంటుందని .. కాదు కాదు అయన కంటే స్పీడ్ గా సినిమాను చుట్టిపారేసే పూరి జగన్నాధ్ అఖిల్ సినిమాను చేస్తాడని స్పెక్యులేషన్లు హల్ చల్ చేస్తున్నాయి. వీటి సంగతేమో గానీ టాలీవుడ్ ఫిలిం సర్కిల్స్ లో వినిపిస్తున్న కొత్త టాక్.. అఖిల్ నాలుగవ సినిమా బాధ్యతను నాగార్జున దర్శకుడు క్రిష్ చేతిలో పెట్టారని.. 'మహానాయకుడు' రిలీజ్ తర్వాత అఖిల్ సినిమాపై క్రిష్ ఫోకస్ చేస్తాడని అంటున్నారు.

ఈ సినిమా ప్రకటించే లోపు అఖిల్ రెండు నెలల పాటు హాలిడే ట్రిప్ కు విదేశాలకు వెళ్తాడట. అఖిల్ నాలుగవ చిత్రాన్ని అన్నపూర్ణ స్టూడియోస్ బ్యానర్ పై నాగార్జున నిర్మిస్తారట. ఈ సినిమాకు క్రిష్.. రాజీవ్ రెడ్డి సహ నిర్మాతలుగా వ్యవహరిస్తారని సమాచారం.