అంత సింపుల్ గా చెప్పేస్తారా..

ఎట్టకేలకు ప్రశ్నకు సమాధానం దొరికింది. విఖ్యాత తెలుగు నటుడు నందమూరి తారక రామారావు జీవిత గాథతో ఆయన తనయుడు.. హీరో బాలకృష్ణ చేసే చిత్రానికి డైరెక్టర్ ఎవరనేది తేలిపోయింది. రీసెంట్ టైమ్స్ లో టాలెంటెడ్ గా పేరు తెచ్చుకున్న క్రిష్ జాగర్లమూడి ఈ సినిమా దర్శకుడి కుర్చీలో కూర్చోబోతున్నాడని అఫీషియల్ అనౌన్స్ మెంట్ వచ్చింది. ఆ విషయం నిన్న ఆల్రెడీ మనం చెప్పుకుందే.

అయితే ఎన్టీఆర్ బయోపిక్ డైరెక్షన్ బాధ్యతల నుంచి తేజ తప్పుకున్న తరవాత ఈ సినిమాకు డైరెక్టర్ ఎవరన్న దానిపై రకరకాల ఊహాగానాలు వినిపించాయి. వాళ్లలో క్రిష్ పేరు కూడా ఉంది. కానీ ఫిలిం మేకర్లు ఈ విషయమై ఏమీ చెప్పలేదు. అన్ని ప్రయత్నాలు ఫలించడంతో క్రిష్ డైరెక్షన్ చేయడానికి ముందుకొచ్చాడు అంటూ ఓ స్టేట్ మెంట్ తో సరిపెట్టేశారు. అలా కాకుండా క్రిష్ రంగంలోకి దిగి వర్కింగ్ స్టిల్ పోస్టు చేసుంటే బాగుండేది అనేది అభిమానుల మాట. ఎలాగూ ఈ సినిమాకు ముహూర్తం షాట్ అయిపోయి ప్రీ ప్రొడక్షన్ మొదలుపెట్టేశారు కాబట్టి క్రిష్ ను వాటిలో ఇన్వాల్వ్ చేస్తూ ఈ ప్రకటన ఇచ్చి ఉంటే అభిమానులకు మరింత హుషారు వచ్చి ఉండేది.

క్రిష్ ప్రస్తుతం బాలీవుడ్ లో మణికర్ణిక మూవీ డైరెక్ట్ చేస్తున్నాడు. స్వాతంత్ర్య సమర యోధురాలు ఝాన్సీ లక్ష్మీబాయి కథతో వస్తున్న ఈ సినిమాలో కంగనా రనౌత్ వీరనారి ఝాన్సీగా కనిపించనుంది. క్రిష్ కి హిందీలో ఇదే తొలి మూవీ.