ప‌క్కా: మ‌ణిక‌ర్ణిక నుంచి క్రిష్ ఔట్‌?

ముందే ఊహించిన‌ట్టు క్రిష్ - కంగ‌న మ‌ధ్య అభిప్రాయ విభేధాలు నిజ‌మేన‌ని క‌న్ ఫామ్ అయ్యింది. మ‌ణిక‌ర్ణిక చిత్రం నుంచి ఆయ‌న త‌ప్పుకున్నారు. ఆ మేర‌కు చిత్ర‌యూనిట్‌కి చెందిన క్లోజ్ సోర్సెస్ నుంచి వాస్త‌విక స‌మాచారం అందింది. ప్ర‌తిదాంట్లో వేలు పెట్టే కంగ‌న బాధ ప‌డ‌లేక క్రిష్ ఆప్రాజెక్టును వ‌దులుకున్నారట‌. ఇది ప‌క్కా! అని తెలుస్తోంది. మ‌రికాస్త వివ‌రాల్లోకి వెళితే..

గ‌త కొంత‌కాలంగా కంగ‌న క‌థానాయిక‌గా న‌టిస్తున్న మ‌ణిక‌ర్ణిక వివాదాల గురించి స‌ర్వ‌త్రా ఆస‌క్తిక‌ర చ‌ర్చ సాగుతోంది. ఈ సినిమాకి సంబంధించిన ప్ర‌తి విష‌యంలో కంగ‌న ఓవ‌రాక్ష‌న్ పై ర‌క‌ర‌కాలుగా విమ‌ర్శ‌లు వెల్లువెత్తుతున్నాయి. ఓవైపు అపూర్వ ర‌చ‌యిత‌ అపూర్వ అస్రాని కంగ‌న ఫింగ‌రింగ్ గురించి తిట్టిపోస్తూనే ఉన్నారు. ఆవిడ నిర్వాకం మామూలుగా ఉండ‌ద‌ని సూటిగా విమ‌ర్శ‌లు గుప్పిస్తున్నారు. ఆయ‌న అన్న‌ట్టే అయ్యిందిట‌.

గ‌త కొంత‌కాలంగా ద‌ర్శ‌కుడు క్రిష్ ఈ ప్రాజెక్టు నుంచి త‌ప్పుకున్నార‌ని ప్ర‌చారం సాగుతోంది. స్క్రిప్టు స‌హా ద‌ర్శ‌క‌త్వం లో కంగ‌న వేలు పెడుతూ ర‌చ్చ చేయ‌డంతో ఆ బాధ భ‌రించ‌లేక క్రిష్ ఆ ప్రాజెక్టు నుంచి త‌ప్పుకున్నార‌ని ఆన్ లొకేష‌న్ ప్ర‌త్య‌క్షంగా చూసిన‌వారు తాజాగా వెల్ల‌డిస్తున్నారు. ఆ మేర‌కు ప్ర‌ఖ్యాత ఫిలిం క్రిటిక్ త‌ర‌ణ్ ఆద‌ర్శ్ కి చెందిన వెబ్ సైట్ లో ఓ క‌థ‌నం తాజాగా వెలువ‌డింది. కంగ‌న‌కు ఇది అల‌వాటు వ్యాప‌కం. ఇదివ‌ర‌కూ రంగూన్ విష‌యంలోనూ ఇలానే చేసింది. ప్ర‌తిదాంట్లో నేనున్నానంటుంది. క‌థ‌ - ద‌ర్శ‌క‌త్వం రెండిటిలో వేలు పెడుతుంది. ఈ విష‌యంపై హ‌న్స‌ల్ మెహ‌తా - విశాల్ భ‌ర‌ద్వాజ్ రంగూన్ టైమ్‌ లో గొడ‌వ‌ప‌డ్డారు. ఇప్పుడు కూడా సేమ్ టు సేమ్. పాపం క్రిష్ కంగ‌నను ఎలా భ‌రించారో.. అంటూ కొంద‌రు విచారం వ్య‌క్తం చేయ‌డం విశేషం. క్రిష్ ప్ర‌స్తుతం బాల‌కృష్ణ క‌థానాయ‌కుడిగా మ‌ణిక‌ర్ణిక చిత్రం తెర‌కెక్కిస్తూ బిజీగా ఉన్న సంగ‌తి తెలిసిందే. కంగ‌న ప్రాజెక్టు విడిచిపెట్టాకే అత‌డు ఈ సినిమాతో బిజీ అయ్యాడ‌ని ప్ర‌చారం సాగుతోంది. ఆ క్ర‌మంలోనే కంగ‌న మ‌ణిక‌ర్ణిక ద‌ర్శ‌క‌త్వ బాధ్య‌త‌లు చేప‌ట్టిందిట‌.