మ‌న్మ‌ధుడి నిద్ర చెడ‌గొట్టిన న‌వ‌వ‌ధువు!

గాయ‌నీమ‌ణులు న‌టీమ‌ణులుగా మార‌డం స‌హ‌జం. కానీ ఈ అమ్మ‌డు న‌టిగా కొన‌సాగుతూనే గాయ‌నిగా మారింది. సింగ‌ర్ కం నటి షిర్లీ సెటియా గురించే ఇదంతా.

ఈ అందాల భామ యువ‌హీరో నాగ శౌర్య న‌టించిన `కృష్ణ బృందా విహారి`తో తెలుగు సినీప‌రిశ్ర‌మ‌లో అడుగుపెడుతోంది. గాయని కం న‌టి షిర్లి ఇంతకుముందు మ్యూజిక్ వీడియోలతోనూ పాపుల‌రైంది. గాయ‌నిగా సూప‌ర్ పాపుల‌రైంది.

షిర్లీ సెటియా కెరీర్ కీల‌క ద‌శ‌లో ఇటీవల మ్యాగజైన్ క‌వ‌ర్ షూట్ల‌తో చెల‌రేగుతోంది. ఫోటోషూట్ల‌లో టూమ‌చ్ బోల్డ్ గా క‌నిపిస్తోంది. గత నెలలో వెడ్డింగ్ మ్యాగజైన్ కోసం పోజులిచ్చిన తర్వాత షిర్లీ మరో మ్యాగజైన్ ఫోటో షూట్ తో తిరిగి వ‌చ్చింది.

షిర్లీ ఫాబ్లూక్ మ్యాగజైన్ కోసం పోజులిచ్చింది. మ‌న్మ‌ధుడికైనా మ‌తి చెడేలా ఆధునిక వధువులా అందంగా ముస్తాబై క‌నిపించింది. క‌ళ్లు చెదిరే అందంతో క‌ట్టి ప‌డేస్తోంది.

కృష్ణ బృందా విహారి తర్వాత తెలుగులో మరిన్ని ఆఫర్లు వస్తాయని ఈ అందాల భామ ఆశిస్తోంది. కాస్త ఆలస్యమైనా సినిమా విడుదల తేదీని సెప్టెంబర్ 23గా ప్రకటించారు. తొలి సినిమా విడుద‌ల కాక‌ముందే దుమారం రేపుతున్న ఈ బ్యూటీకి ఇత‌ర భాష‌ల్లోనూ న‌టిగా అవ‌కాశాల‌కు కొద‌వ ఉండ‌దని అర్థ‌మ‌వుతోంది. మ‌మ‌తా మోహ‌న్ దాస్ లా గాయ‌ని కం న‌టిగా ఆల్ రౌండ‌ర్ నైపుణ్యంతో అద‌ర‌గొట్టేస్తుందేమో చూడాలి.