రెజీనాలో భార్యను చూశాడట!!

కృష్ణవంశీ దర్శకత్వంలో తెరకెక్కుతున్న మూవీ నక్షత్రం. చాలా కాలంగా సెట్స్ పై ఉన్న ఈ చిత్రాన్ని ఇప్పుడు థియేటర్లలోకి తెచ్చేసేందుకు సన్నాహాలు పూర్తి చేస్తున్నారు. ఇప్పటికే షూటింగ్ కంప్లీట్ అయిపోగా.. ఒత స్పెషల్ సాంగ్ ను జత చేయనున్నారు. ఇప్పటికే ప్రచారం కూడా ప్రారంభించేయగా.. రీసెంట్ గా రిలీజ్ చేసిన టీజర్లోని యాక్షన్ ఎపిసోడ్స్ బాగా అందరినీ ఆకట్టుకుంటున్నాయి. వాటి కంటే ఎక్కువగా రెజీనా గ్లామర్ ను కృష్ణవంశీ చూపించిన తీరు ఇంకా ఆకర్షణీయంగా ఉంది.

నక్షత్రంలోని ఓ పాటలో తన గ్లామర్ ను రెజీనా విచ్చలవిడిగా చూపించేసిందని టాక్. ఈ మూవీలో రెజీనా పాత్ర గురించి.. ఈ హీరోయిన్ గురించి కొన్ని ఆసక్తికరమైన విషయాలు చెప్పాడు దర్శకుడు. 'నేను రెజీనాతో వర్క్ చేయడం ప్రారంభించిన కొన్ని రోజులకు.. ఆమెలో నాకు యంగ్ రమ్యకృష్ణ కనిపించింది. ఆమెలోని ఆ యాంగిల్ నచ్చి.. ఆ పాత్రను మరింత అద్భుతంగా డిజైన్ చేశాను' అని చెప్పాడు కృష్ణవంశీ. ఇంతకు ఈ దర్శకుడు తన భార్య రమ్యకృష్ణ అందం రెజీనాలో కనిపించిందా.. ఈ భామకు అంత ట్యాలెంట్ ఉందని చెబుతున్నాడా అన్నది మాత్రం అర్ధం కాని పాయింట్.

నక్షత్రం మూవీలో ఒక పాట కోసం రెజీనా 18 డ్రెస్సులు మార్చాల్సి వచ్చిందట. అంతగా విసిగించేసినా.. సపోర్ట్ ఇచ్చినందుకు థాంక్యూ అంటున్నాడు కృష్ణ వంశీ. ఇక తన పాత్రకు సంబంధించిన రష్ ఇంకా చూసుకోలేదంటున్న రెజీనా.. తెరపై ఈ రోల్ ను చూసుకునేందుకు ఆసక్తిగా ఉన్నట్లు చెబుతోంది.