కృష్ణవంశీ చేయబోయే చిన్న సినిమా అదేనా?!

ఇటీవల దర్శకులంతా చిన్న సినిమాలమీద పడ్డారు. స్టార్‌ కథానాయకులంతా రెండు మూడు చిత్రాలతో బిజీగా కనిపిస్తుండటంతో... వాళ్లు ఖాళీ అయ్యేలోపు చిన్న హీరోలతో చిన్న సినిమాలు చేయాలని ప్రయత్నాలు చేస్తున్నారు కొద్దిమంది పెద్ద దర్శకులు. కృష్ణవంశీ చాలా రోజులుగా ఆ సినిమా పనుల్లోనే ఉన్నట్టు తెలుస్తోంది.

చిన్న సినిమానే అయినా, పెద్ద సంస్థలో చేయాలనేది కృష్ణవంశీ ఆలోచన. అందుకే దిల్‌రాజు, ప్రకాష్‌రాజ్‌లాంటివాళ్లతో చర్చలు జరుపుతున్నాడు. ఈ కాంబినేషన్‌లో సినిమా గురించి కొన్నాళ్లుగా జనం మాట్లాడుకొంటూనే ఉన్నారు. అయితే ఆ ప్రాజెక్టు త్వరలోనే పట్టాలెక్కబోతోందని తాజా సమాచారం. అందులో కథానాయకుడిగా సందీప్‌కిషన్‌ నటించొచ్చని ప్రచారం సాగుతోంది.

కొన్నాళ్లుగా సందీప్‌ సినిమా వ్యవహారాలన్నీ ఆయన మామ, ప్రముఖ కెమెరామెన్‌ ఛోటా కె.నాయుడు చూసుకొంటున్నాడు. సందీప్‌ చేసే ప్రతీ సినిమా ఓ క్రేజీ కాంబినేషన్‌లో ఉండాలనేది ఛోటా ఆలోచన. అందుకే ఉషాకిరణ్‌ మూవీస్‌లాంటి పెద్ద సంస్థతోనూ 'బీరువా'లాంటి సినిమా చేయించారు ఛోటా. ఇప్పుడు కృష్ణవంశీ, దిల్‌రాజులని లైన్లో పెట్టేసి ఈ కొత్త ప్రాజెక్టుకు ఓకే చెప్పించాడని ప్రచారం సాగుతోంది.