కృష్ణవంశీకి హీరో దొరికాడోచ్!!

క్రియేటివ్ డైరెక్టర్ గా గుర్తింపు పొందిన కృష్ణ వంశీకి ప్రస్తుతం కాలం కలిసి రావడం లేదు. మొగుడు, పైసా లాంటి ఫ్లాప్ ల తర్వాత ఈ డైరెక్టర్ ని పట్టించుకునే వాళ్లే లేకపోయారు. అయితే.. మెగా పవర్ స్టార్ రామ్ చరణ్ మాత్రం 'గోవిందుడు అందరివాడేలే' అంటూ ఓ ఛాన్స్ ఇచ్చాడు. ఇది ఫ్లాప్ కాకపోయినా.. హీరో, దర్శకుడి స్థాయికి తగ్గట్లుగా హిట్ కొట్టలేకపోయాడు.

అయితే.. గోవిందుడు భారీ పెట్టుబడిని మాత్రం రికవర్ చేయడంతో.. కృష్ణవంశీపై మళ్లీ నమ్మకాలు మొదలయ్యాయి. అదే హుషారుతో రుద్రాక్ష అనే గ్రాఫిక్ ఓరియెంటెడ్ మూవీ చేసేందుకు రెడీ అయిపోయాడు. ముందు అనుష్క అని, తర్వాత సమంత లీడ్ రోల్ చేస్తోందని అన్నారు. ఈ ప్రాజెక్ట్ పట్టాలెక్కే టైంలో.. బాలయ్యతో రైతు చిత్రాన్ని తీసేందుకు రుద్రాక్షను పక్కన పెట్టేశాడు. ఇప్పుడు రైతు చేజారిపోయింది, రుద్రాక్ష తీసేందుకు ప్రొడ్యూసర్ సిద్ధంగా లేడు.

దీంతో మళ్లీ ఓ కొత్ ప్రాజెక్ట్ కి రెడీ అయిపోయాడీ క్రియేటివ్ డైరెక్టర్. ఈ మూవీలో సందీప్ కిషన్ ని హీరోగా నటింపచేయనున్నాడు. అటు సందీప్ కూడా ఓ హిట్ ఇచ్చి తనను తాను ప్రూవ్ చేసుకుని రేస్ లోకి వచ్చేందుకు ప్రయత్నిస్తున్నాడు. మరి కృష్ణవంశీ-సందీప్ కిషన్ కాంబినేషన్ లో సినిమా ఎలా ఉండబోతోందో?