అందాల నక్షత్రాలు అదిరాయ్!!

క్రియేటివ్ డైరెక్టర్ అని పిలిపించుకునే దర్శకుడు కృష్ణవంశీ.. మళ్లీ తన స్థాయిని అందుకునేందుకు ఎంతో ప్రతిష్టాత్మకంగా రూపొందించిన మూవీ నక్షత్రం. అచ్చంగా కుర్రాళ్లతో సినిమా చేసేస్తూ.. ఇప్పటికే షూటింగ్ పార్ట్ అంతా ఫినిష్ చేసేశాడు కూడా. త్వరలోనే నక్షత్రం రిలీజ్ కు రెడీ అవుతున్న కృష్ణవంశీ.. ఇప్పుడీ చిత్రానికి ఆడియో రిలీజ్ ఫంక్షన్ నిర్వహించనున్నాడు.

జూలై 5న సాయంత్రం హైద్రాబాద్ లో ఈ వేడుక జరగనుండగా.. ఆడియో రిలీజ్ పోస్టర్ ను తన స్టైల్ లో ఇఛ్చాడు దర్శకుడు. నక్షత్రం పోస్టర్ లో ఇద్దరు హీరోలు.. అందాల నక్షత్రాలతో(తారలతో) ఓ రేంజ్ లో రొమాన్స్ పండించేస్తున్నారు. మూవీలో ఓ ఇంపార్టెంట్ రోల్ చేస్తున్న సాయి ధరం తేజ్- ప్రగ్యా జైస్వాల్ ల మధ్య వచ్చే ఓ పాటలోని స్టిల్ ఇచ్చారు. హీరోయిన్ ను భుజం వెనుకగా.. రివర్స్ లో మోస్తున్న తేజు కనిపిస్తాడు. ఇక హీరోయిన్ రెజీనాతో హీరో సందీప్ కిషన్ చేస్తున్న రొమాన్స్ ను చూస్తే.. ఈ విషయంలో మాత్రం కృష్ణవంశీ ఎక్కడా తగ్గడం లేదని అనిపిస్తుంది.

ఇద్దరు భామలు అందాల ఆరబోత విషయంలో ఏ మాత్రం కాంప్రమైజ్ కాలేదని.. వారి అందాలను ప్రెజెంట్ చేయడంలో కృష్ణవంశీ క్రియేటివిటీ ఏ మాత్రం తగ్గలేదనే సంగతి.. నక్షత్రం లేటెస్ట్ పోస్టర్ తో అర్ధం చేసుకోవచ్చు.

Like Us on Facebook : https://www.facebook.com/Tupakidotcom/