క్రియేటివ్ డైరెక్టర్.. కోటి పెట్టిస్తున్నాడట

క్రియేటివ్ డైరెక్టర్ కృష్ణవంశీ కెరీర్ లో మైలురాళ్లుగా నిలిచిపోయే హిట్స్ చాలానే ఉన్నాయి. కానీ కొంతకాలంగా తిరిగి ఫామ్ అందుకోవడానికి ఈయన చాలానే కష్టపడాల్సి వస్తోంది. ప్రస్తుతం నక్షత్రం మూవీని ప్రతిష్టాత్మకంగా తీసుకుని తెరకెక్కిస్తున్న కృష్ణవంశీ.. ఈ మూవీకి అనుకున్న బడ్జెట్ కంటే ఎక్కువగా ఖర్చు పెట్టించేస్తున్నాడట. ఇప్పటివరకూ రషెస్ చూసుకున్న నిర్మాతలు కూడా ధైర్యంగా మరింత మొత్తం కేటాయించేందుకు రెడీ చెప్పేస్తున్నారట.

నక్షత్రం మూవీ ప్రారంభం అయినపుడు నిజానికి చిన్న సినిమానే కానీ.. ఇప్పుడు దీని రేంజ్ బాగా పెరిగిపోయింది. సందీప్ కిషన్.. రెజీనా కసాండ్రాలతో పాటు సాయిధరం తేజ్.. ప్రగ్యాజైస్వాల్ లు కూడా కీలక పాత్రలు పోషిస్తుండడంతో సినిమా రేంజ్ పెరిగిపోయింది. పైగా ఈ క్రియేటర్ మార్క్ డైరెక్షన్ ప్రకారం బోలెడంత మంది కేరక్టర్ ఆర్టిస్టులు షరా మామూలే. నక్షత్రం కోసం మొదటగా అనుకున్న బడ్జెట్ ఇప్పటికే పూర్తయిపోయిందని టాక్.

ఇప్పుడు హీరోయిన్ రెజీనాపై ఓ రొమాంటిక్ సాంగ్ ప్లాన్ చేశారట. కేవలం ఈ పాట షూటింగ్ కోసమే కోటి రూపాయల బడ్జెట్ చెప్పాడట కృష్ణవంశీ. దీనికి వారి నుంచి గ్రీన్ సిగ్నల్ వచ్చేయడం మరింత ఆశ్చర్యకరం. క్వాలిటీ విషయంలో కాంప్రమైజ్ కావడం ఇష్టంలేని కృష్ణవంశీ.. ఈ మేరకు బడ్జెట్ పెంపునకు సంబంధించి డీటైల్స్ చెప్పడంతోపాటు.. ఇప్పటికే పనులు కూడా ప్రారంభయిపోయినట్లు టాక్ వినిపిస్తోంది.


Like Us on Facebook : https://www.facebook.com/Tupakidotcom/