కృష్ణవంశీ.. అది కూడా పోయిందిగా

క్రియేటివ్ డైరక్టర్ అనగానే.. కృష్ణవంశీ గుర్తుకొచ్చేస్తాడు. అంతగా టాలీవుడ్ ప్రేక్షకులపై తన స్టాంప్ వేసిన ఈ దర్శకుడు.. ఈ మధ్య బాగా వెనకబడిపోయాడు. మెగా పవర్ స్టార్ రామ్ చరణ్ తో చేసిన గోవిందుడు అందరివాడేలే.. చివరగా కృష్ణవంశీ చేసిన మూవీ. ఎన్నో ఫ్లాపుల తర్వాత తనకు ఓ భారీ బడ్జెట్ మూవీని సేఫ్ ప్రాజెక్ట్ చేయగలగాడనే గుర్తింపు అందుకోగలిగాడు.

కృష్ణవంశీ ఇప్పటికే రుద్రాక్ష అనే ప్రాజెక్ట్ స్టార్ట్ చేయాల్సి ఉంది. సమంత మెయిన్ హీరోయిన్ గా రుద్రాక్ష చేయాలని భావించాడు. రమ్యకృష్ణతో పాటు మరికొందరు క్యాస్టింగ్ ని కూడా ఫైనల్ చేశారు. అయితే.. అంతలోనే బాలకృష్ణ వందో సినిమా ఆఫర్ కోసం ఈ రుద్రాక్షను పక్కనపెట్టేశాడు ఈ క్రియేటివ్ డైరెక్టర్. చివరకు బాలయ్య వందో చిత్రం కూడా చేతికి రాలేదు కానీ.. ఇది కూడా చేజారిపోయింది.

ఇక అనౌన్స్ మెంట్ ఇవ్వడమే అనుకుంటున్న టైంలో ప్రాజెక్టు నుంచి హఠాత్తుగా కృష్ణవంశీ వెళ్లిపోవడంపై... దిల్ రాజు అప్పట్లోనే అలకబూనాడు. అయితే.. అవతల బాలయ్యతో వ్యవహారం కావడంతో పైకి మాత్రం ఏం మాట్లాడలేదట. ఇప్పుడు కృష్ణవంశీ కూడా ఖాళీగానే ఉన్నా.. రుద్రాక్షని పట్టాలెక్కించేందుకు మాత్రం దిల్ రాజు ఇంట్రెస్ట్ చూపించడం లేదు. ప్చ్.. రుద్రాక్ష కూడా పోయే!