గ్యాంగ్ మొత్తం ఒకటే చోట చేరి..

క్రియేటివ్ డైరెక్టర్ కృష్ణవంశీ తనలో క్రియేటివిటీ ఇంకా తగ్గలేదని ప్రూవ్ చేసుకునేందుకు 'నక్షత్రం' అంటూ కుర్రాళ్లతో సినిమా చేసేస్తున్నాడు. సందీప్ కిషన్ హీరోగా.. రెజీనా హీరోయిన్ గా ఈ సినిమాలో నటిస్తుండగా.. రీసెంట్ గా సుప్రీమ్ హీరో సాయి ధరం తేజ్.. ప్రగ్యా జైస్వాల్‌ లను కూడా రంగంలోకి దించాడు.

నక్షత్రంలో కుర్రాళ్లందరూ పోలీస్ పాత్రల్లోనే కనిపించనున్నారనే టాక్ అయితే ఉంది కానీ.. హీరోహీరోయిన్లు మినహాయిస్తే.. మిగతావాళ్ల రోల్స్ పై కన్ఫర్మేషన్ లేదు. కానీ ఈ నలుగురు ఆఫ్ స్క్రీన్ లో మాంచి ఫ్రెండ్స్. సందీప్ కిషన్- రెజీనాల మధ్య ముందునుంచి ఫ్రెండ్ షిప్ ఉంది. ఆ తర్వాత వీరితో సాయి ధరం తేజ్ జాయిన్ అయ్యాడు. రకుల్ కూడా ఈ గ్యాంగ్ లో మెంబరేలే లెండి. వీళ్ల రచ్చ ఏ రేంజ్ లో ఉంటుందంటే.. అఫైర్స్ అంటూ పుకార్లు కూడా వచ్చేశాయి. రీసెంట్ గా కంచె బ్యూటీ ప్రగ్యా జైస్వాల్ కూడా కుర్ర గ్యాంగ్ లో మెంబర్ అయిపోయి తెగ చక్కర్లు కొట్టేస్తోంది.

ప్రస్తుతం ముగ్గురు కుర్రకారు నక్షత్రంలో హంగామా చేసేస్తున్నారు. ఇప్పుడు బ్రేక్ తీసుకున్న రెజీనా.. త్వరలో షూటింగ్ లో జాయిన్ కానుంది. అయితే.. వీళ్లందరితో కలిసిపోయి కృష్ణవంశీ కూడా మహా జోకులు పేలుస్తున్నాడని.. తను కూడా ఓ జనరేషన్ వెనక్కి వెళ్లిపోయాడనే ఉంది. ఇంత సరదా సరదా అట్మాస్ఫియర్ లో సినిమా తీస్తే.. దాని రిజల్ట్ ఆన్ స్క్రీన్ లో ఏ రేంజ్ లో ఉంటుందో చూడాల్సిందే.