నటవిరాట్ గా కృష్ణంరాజు కొత్త రూపం

కృష్ణం రాజు.. టాలీవుడ్ లో ఒకప్పుడు ఈయన దాదాపు ఓ సూపర్ హీరో. ఆయన పవర్ కి, చేసే రోల్స్ కి తగ్గట్లుగా రెబల్ స్టార్ అనే బిరుదుతో పిలుచుకునే వారు. ఆ బిరుదును సార్ధకం చేసుకుంటూ ఎన్నో పవర్ ఫుల్ రోల్స్ పోషించారు ఈ సీనియర్ హీరో. ఇప్పుడు సినిమాల్లో కనిపించడం మానేసినా రాజకీయాల్లో యాక్టివ్ గానే ఉంటున్నారు. మరోవైపు సినీ నిర్మాణం - దర్శకత్వంపై ఈయన మనసు ఎప్పుడూ తిరుగుతూనే ఉంటుంది.

ఇప్పుడు కృష్ణంరాజుకు సుబ్బిరామిరెడ్డి లలిత కళా పరిషద్ ఓ కొత్త బిరుదుతో సత్కరించనుంది. 'నట విరాట్' అనే బిరుదును రెబల్ స్టార్ కు ప్రదానం చేయనున్నారు. ఈ నెల 7న మహాశివరాత్రి సందర్భంగా భారీ కార్యక్రమం ఏర్పాటు చేసి, అందులో ఈయనకు బిరుదును ప్రకటించనున్నారు ప్రముఖ సినీ నిర్మాత - పారిశ్రామికవేత్త - రాజకీయ నాయకుడు అయిన సుబ్బిరామి రెడ్డి.

ఇప్పటికి ఇంకా కొత్త బిరుదు అందించలేదు కాబట్టి.. రెబల్ స్టార్ కృష్ణంరాజు ఇప్పటికే పలు అవార్డులు అందుకున్నారు. అందులో 4 ఫిలింఫేర్లు, 3 నంది అవార్డులు ఉన్నాయి. ఇక ప్రభాస్ తో 'ఒక్క అడుగు' అనే టైటిల్ పై, తన గోపీకృష్ణా మూవీస్ బేనర్ పై చేస్తానని ఇప్పటికే ప్రకటించారు కృష్ణం రాజు.