ఉప్పి హీరోయిన్.. బిగ్‌ బ్రేక్‌ కావాలట

నా చిన్నప్పటి నుంచి యాక్టర్ కావాలనే అనుకున్నానని చెబ్తోంది ఉపేంద్ర2 హీరోయిన్ క్రిస్టీనా అకీవా. తాను నటించిన ఈ సినిమాకి పలు భాషల్లో ఇంత హైప్ రావడంతో ఉబ్బితబ్బిబ్బవుతోంది ఈ ఫారిన్ భామ. రష్యాలో పుట్టి, ఆస్ట్రేలియాలో పెరిగిన ఈ చిన్నది సినిమా రంగంపై కోర్సులు కూడా చేసింది. మోడలింగ్ రంగంలోకి అనుకోకుండా అడుగుపెట్టినా... సినిమాల్లోకి రావాలనే కల ముందునుంచే ఉందట.

యమ్లా పాగల్ దీవానా2 మూవీతో బాలీవుడ్ లో అడుగుపెట్టిన క్రిస్టీనా... గాలిపటంతో తెలుగులోనూ అరంగేట్రం చేసింది. అయితే ఇప్పటివరకూ తాను కోరుకున్న స్థాయిలో సక్సెస్ రాలేదు. ఇప్పుడు ఉపేంద్ర2 మూవీతో తన కల తీరుతుందని ఆశలు పెట్టుకుంది. ఫారిన్ లోనే పుట్టి పెరిగినా... తొలి సినిమాకే సొంత డబ్బింగ్ చెప్పుకోవడం విశేషం. గతంలో తెలుగులో గాలిపటం సినిమాలో హీరోయిన్ గా చేసినా కూడా.. కేవలం స్కిన్‌ షో కే అక్కడ పరిమితం అయ్యిందిలే. అందుకే ఉపేంద్ర సినిమాతో బిగ్‌ బ్రేక్‌ వస్తుందని ఆశిస్తోంది.

ఉపేంద్రతో కలిసి నటించడం ద్వారా చాలా నేర్చుకుందిట క్రిస్టినా. విభిన్న చిత్రాల దర్శకుడు, హీరో ఉప్పి... మనిషిగా మాత్రం చాలా మంచివాడని అంటోంది. ఇండియన్ ఫుడ్ బాగా నచ్చిందట. ముఖ్యంగా మైసూర్ బిర్యానీని విపరీతంగా ఇష్టపడుతున్నానని చెప్పింది. మొత్తానికి ఆస్ట్రేలియా మీదుగా రష్యా నుంచి వచ్చి.. భారతీయ సినిమాల్లో సత్తా చాటాలని తపనపడుతున్న క్రిస్టినాకి బెస్ట్ ఆఫ్ లక్ చెబుదాం.