మాసీగా క్లాసీగా నితిన్ అదరగొట్టేశాడబ్బా : బేబమ్మా

టాలీవుడ్లో కృతి శెట్టికి ఉన్న క్రేజ్ గురించి ప్రత్యేకంగా చెప్పుకోవలసిన పనిలేదు. వరుస సినిమాలతో హ్యాట్రిక్ హిట్ కొట్టిన ఆమె, ఆ తరువాత చేసిన 'ది వారియర్' సినిమాతో ఫస్టు ఫ్లాప్ ను అందుకుంది. ఆ ఫ్లాప్ ను జనం మరిచిపోయేలా 'మాచర్ల నియోజకవర్గం'తో హిట్ కొట్టాలనే ఆశతో ఉంది. ఈ నెల 12వ తేదీన ఈ సినిమా ప్రేక్షకుల ముందుకు రానుంది. ఈ నేపథ్యంలోనే ఈ సినిమా ప్రీ రిలీజ్ ఈవెంట్ ను ఘనంగా నిర్వహించారు.

ఈ స్టేజ్ పై కృతి శెట్టి మాట్లాడుతూ .. "మా సినిమా టీమ్ ను ప్రోత్సహించడానికి ఇక్కడికి వచ్చిన ప్రతి ఒక్కరికీ ధన్యవాదాలు తెలియజేస్తున్నాను. ఈ సినిమాలో నితిన్ గారితో కలిసి పనిచేసే ఛాన్స్ దొరకడం నా అదృష్టంగా భావిస్తున్నాను. ఈ సారి నితిన్ నుంచి మీరు ఒక మాసీ అండ్ క్లాసీ అవతార్ ను ఆశించవచ్చు. ఈ సినిమా తప్పకుండా ఆయనను నెక్స్ట్ లెవెల్ కి తీసుకుని వెళుతుందని భావిస్తున్నాను.

స్వాతిలాంటి ఒక మంచి పాత్రను నాకు ఇచ్చిన దర్శకుడు శేఖర్ గారికీ .. నిర్మాతలకు థ్యాంక్స్ చెబుతున్నాను.

శేఖర్ గారు ఫస్టు డే నుంచి నాపై పూర్తి కాన్ఫిడెంట్ తో ఆయన ఉన్నారు .. ఈ పాత్రను నేను చాలా బాగా చేయగలననే సపోర్టును ఇచ్చారు. ఆయన డెడికేషన్ నాకు చాలా ఆశ్చర్యాన్ని కలిగించింది. ఆయన వర్కింగ్ స్టైల్ నాకు నచ్చింది. మరోసారి ఆయనతో కలిసి పనిచేసే అవకాశాన్ని నాకు ఇవ్వాలని కోరుకుంటున్నాను.

ఈ సినిమాలో సీనియర్ ఆర్టిస్టులతో కలిసి పనిచేసే ఛాన్స్ వచ్చినందుకు నాకు చాలా సంతోషంగా ఉంది. అలాగే ఒక మంచి బ్యానర్లో చేసే అవకాశం రావడం కూడా నా అదృష్టం గా భావిస్తున్నాను.

ఈ నెల స్టార్టింగ్ లోనే వచ్చిన 'బింబిసార' .. 'సీతారామం' హిట్ టాక్ తెచ్చుకోవడం .. ఇండస్ట్రీ కళకళలాడుతూ ఉండటం ఆనందించవలసిన విషయం. సంగీతం .. విజువల్స్ ఈ రెండూ కూడా ఈ సినిమాను నెక్స్ట్ లెవెల్ కి తీసుకుని వెళతాయి. ఈ సినిమాలో నా ఫేవరేట్ సాంగ్ 'అదిరింది. ఈ సినిమా ప్రతి ఒక్కరికీ నచ్చుతుందని భావిస్తున్నాను " అంటూ చెప్పుకొచ్చింది.