'ది వారియ‌ర్‌'పై బేబ‌మ్మ‌ భారీ ఆశ‌లు.. అందుకేనా?

టాలీవుడ్ ఎన‌ర్జిటిక్ స్టార్ రామ్ పోతినేని, యంగ్ బ్యూటీ కృతి శెట్టి తొలిసారి జంట‌గా న‌టిస్తున్న చిత్రం 'ది వారియ‌ర్‌'. తమిళ స్టార్ డైరెక్టర్ ఎన్.లింగుస్వామి తెర‌కెక్కిస్తున్న ఈ సినిమాను పవన్ కుమార్ సమర్పణలో శ్రీనివాసా సిల్వ‌ర్ స్క్రీన్ బ్యాన‌ర్ పై శ్రీనివాసా చిట్టూరి ఎంతో ప్ర‌తిష్టాత్మ‌కంగా నిర్మిస్తున్నారు.

ఈ సినిమాలో ప‌వ‌ర్ ఫుల్‌ పోలీస్ ఆఫీసర్ సత్య క్యారెక్టర్ లో రామ్ కనిపించ‌బోతుండ‌గా.. ఆయ‌న్ను ఢీ కొట్టే విలన్ పాత్ర‌ను ఆదిపినిశెట్టి పోషించాడు. ఇప్ప‌టికే షూటింగ్ కంప్లీట్ చేసుకుని పోస్ట్ ప్రొడక్షన్ పనుల్లో బిజీగా ఉన్న ఈ చిత్రం.. జూలై 14న గ్రాండ్ రిలీజ్ కాబోతోంది.

మేక‌ర్స్ అప్పుడే సినిమాకు సంబంధించి వ‌రుస అప్డేట్స్ ఇవ్వ‌డం కూడా షురూ చేశారు. ఇక‌పోతే ఈ మూవీపై మ‌న బేబ‌మ్మ భారీ ఆశలు పెట్టేసుకుంద‌ట‌.

అందుకు కార‌ణం లేక‌పోలేదు.. 'ది వారియ‌ర్‌' తెలుగుతో పాటు త‌మిళంలోనూ విడుద‌ల కాబోతోంది. టాలీవుడ్ లో హ్యాట్రిక్ హిట్స్ ను ఖాతాలో వేసుకుని క్రేజీ హీరోయిన్ గా గుర్తింపు పొందిన కృతి శెట్టి.. 'ది వారియ‌ర్'తో తొలిసారి త‌మిళ ప్రేక్ష‌కుల‌ను ప‌ల‌క‌రించ‌బోతోంది. ఈ సినిమా గ‌నుక మంచి విజ‌యం సాధిస్తే.. కోలీవుడ్ లోనూ కృతి శెట్టికి మంచి ఫ్యాన్ బేస్ ఏర్ప‌డుతుంది. అలాగే అక్క‌డ నుంచి కూడా వ‌రుస ఆఫ‌ర్లు వ‌స్తుంటాయి.

దాంతో టాలీవుడ్ తో పాటు కోలీవుడ్ లోనూ స‌త్తా చాటొచ్చ‌ని బేబ‌మ్మ భావిస్తోంద‌ట‌. అందుకే 'ది వారియ‌ర్‌' తెలుగు, త‌మిళ భాష‌ల్లో బ్లాక్ బ‌స్ట‌ర్ హిట్ కావాల‌ని ఆమె ఆశ‌ప‌డుతున్న‌ట్లు టాక్ న‌డుస్తోంది. మ‌రి ఆమె ఆశ నిజ‌మై 'ది వారియ‌ర్‌' రెండు భాష‌ల్లోనూ మంచి విజ‌యం సాధిస్తుందా..? లేదా..? అన్న‌ది చూడాలి.

కాగా, కృతి శెట్టి ఇత‌ర ప్రాజెక్ట్స్ విష‌యానికి వ‌స్తే.. ప్ర‌స్తుతం ఈమె చేతిలో 'ఆ అమ్మాయి గురించి మీకు చెప్పాలి', 'మాచర్ల నియోజకవర్గం' చిత్రాలు ఉన్నాయి. అలాగే రీసెంట్ గా యువ‌సామ్రాట్ అక్కినేని నాగ‌చైత‌న్య‌తో ఓ మూవీ చేసేందుకు సైన్ చేసింది. మ‌రోవైపు త‌మిళంలో సూర్య స‌ర‌స‌న బాల ద‌ర్శ‌క‌త్వంలో ఓ సినిమాలో న‌టించేందుకు గ్రీన్ సిగ్నెల్ ఇచ్చింది. కోలీవుడ్ లో కృతి శెట్టి డైరెక్ట్‌గా చేయ‌బోతున్న‌ తొలి చిత్ర‌మిది.