మన బ్రూస్ హ్యాండిచ్చాడు.. మరి అతడో?

కృతి కర్బందా.. ఆరేళ్లుగా తెలుగులో బ్రేక్ కోసం ఎదురు చూస్తోంది. బోణి అంటూ సుమంత్ తో కెరీర్ ప్రారంభించి అలా మొదలైందిలో గెస్ట్ గా మెరిసింది. తర్వాత ఛాన్సే పవన్ కళ్యాణ్ పక్కన పట్టేసి, ఔరా అనిపించింది కృతి. అయితే.. టాలీవుడ్ లో ఈ అమ్మడి అదృష్టం ఇక్కడితో ఆగిపోయింది. మిస్టర్ నూకయ్య - ఒంగోలు గిత్త - ఓం త్రీడీల్లో నటించింది కానీ.. దక్కిందంటూ ఏమీ లేదు.

కన్నడలో మాత్రం కాస్త మంచి కేరక్టర్ లే చేస్తూ.. స్పీడ్ మీదే ఉంది. తెలుగులో తన అదృష్టం పరీక్షించుకోడానికి సిస్టర్ రోల్ కూడా యాక్సెప్ట్ చేసేసింది. బ్రూస్ లీ మూవీలో రామ్ చరణ్ అక్క పాత్రను యాక్సెప్ట్ చేసి.. ఆశ్చర్యానికి గురి చేసింది కృతి కర్బందా. అయితే.. తనో మెట్టు తగ్గినా హిట్టు మాత్రం రాలేదు. ఇప్పుడు అమ్మడి ఆశలన్నీ ఇంకో బ్రూస్ లీ మీద పెట్టుకోవాల్సి వచ్చింది.

తమిళ్ లో జివి ప్రకాష్ హీరోగా బ్రూస్ లీ అనే మూవీ తెరకెక్కుతోంది. జీవీ ప్రకాష్ నటిస్తున్న ఈ సినిమాలో హీరోయిన్ గా కృతి కర్బందా నటిస్తోంది. ఇదో థ్రిల్లర్ మూవీ. తెలుగు బ్రూస్ లీ హ్యాండ్ ఇవ్వడంతో.. తమిళ బ్రూస్ లీ మీదే ఆశలు పెట్టుకుంది. మరి కోలీవుడ్ బ్రూస్ లీ ఏం చేస్తాడో ?