పోల్ డాన్స్ తో కట్టిపడేస్తున్న కృతి..!

పవర్ స్టార్ పవన్ కళ్యాణ్ హీరోగా నటించిన 'తీన్మార్' సినిమాతో తెలుగు తెరకు పరిచయం అయింది హీరోయిన్ కృతి కర్బందా. మొదటి సినిమాలో డీసెంట్ గా తెలుగమ్మాయి పాత్రలో అలరించిన కృతి.. ఆ తర్వాత రామ్ తో 'ఒంగోలు గిత్త' సినిమాలో లంగావోణీ ధరించి అందంతో అభినయంతో తెలుగు ప్రేక్షకులకు దగ్గరైంది. ఎందుకో అమ్మడికి అన్నీ ఉన్నా తెలుగులో అదృష్టం కలిసి రాలేదు. చివరిగా రాంచరణ్ 'బ్రూస్ లీ' సినిమాలో కనిపించి బాలీవుడ్ వైపు మళ్లింది. ఇక బాలీవుడ్ లో రాణించాలంటే అందాల ఆరబోత తప్పనిసరి. ఈ విషయం తెలిసి అమ్మడు వచ్చిన అవకాశాలను చేజిక్కించుకొని వరుసగా దూసుకెళ్తుంది. పాగల్ పంతి, హౌస్ ఫుల్ 4 సినిమాలతో ఈ మద్యే హిట్ రుచి చూసింది. కృతికి సోషల్ మీడియాలో కూడా ఫాలోయింగ్ ఎక్కువే.

లాక్ డౌన్ కారణంగా ముంబైలో తన లవర్ పులకిత్ సామ్రాట్ తో ఉంటోంది. సినిమా షూటింగ్స్ అన్నీ నిలిచిపోవడంతో అమ్మడు టాలెంట్స్ ని బయట పెట్టే అవకాశం లేకుండా పోయింది. లాభం లేదని సోషల్ మీడియా ద్వారా అభిమానులకు చేరువవుతూ.. రోజురోజుకి ఏదొక పోస్ట్ చేస్తూ అలరిస్తుంది. తాజాగా అమ్మడు అందాలు ప్రదర్శిస్తూ పోల్ డాన్స్ నేర్చుకుంటున్న వీడియోను ఇంస్టాగ్రామ్ లో షేర్ చేసింది. ఈ వీడియోలో కృతి పోల్ డాన్స్ ప్రాక్టీస్ చేస్తూ కనబడింది. నటనతో పాటు అమ్మడిలో ఈ పోల్ డాన్స్ యాంగిల్ కూడా ఉందా.. అని సోషల్ మీడియాలో ఫ్యాన్స్ ఆశ్చర్యపోతూ కామెంట్స్ చేస్తున్నారు. ఇక ఈ వీడియో ప్రస్తుతం నెట్టింట తెగ చక్కర్లు కొడుతోంది. కృతి అందాల ప్రదర్శనతో ఫ్యాన్స్ ని కట్టిపడేస్తూ.. ఫిట్నెస్ సందేశం కూడా ఇండైరెక్ట్ గా ఇస్తుంది.

వీడియో కోసం క్లిక్ చేయండి