హిట్టు కొట్టని ప్రేమ జంటతో యాడ్

ఓ హీరో-హీరోయిన్ కాంబినేషన్ పై క్రేజ్ ఏర్పడాలంటే.. వారు హిట్ పెయిర్ అయి ఉండాలన్నది సినిమా సూత్రం. కానీ ఈ ఫార్ములాను బ్రేక్ చేసేస్తున్నారు ఓ జంట. ఆన్ స్క్రీన్ ధోనీగా మెప్పించిన సుశాంత్ సింగ్ రాజ్ పుత్.. మహేష్ తో కలిసి 1నేనొక్కడినే చిత్రంలో కనిపించిన కృతి సనోన్ పెయిర్ కు ఫుల్ డిమాండ్ ఏర్పడింది.

రీసెంట్ గా వీరిద్దరు కలిసి ఓ కమర్షియల్ యాడ్ లో కూడా నటించారు. ఓ ఎయిర్ కండిషన్ కంపెనీ రూపొందించిన ప్రకటనలో ఈ ఇద్దరు కలిసి కనిపించారు. ఇలా ఈ పెయిర్ ను ఎంచుకోవడానికి కారణం.. వారేమీ హిట్టు జంట కాదు. రాబ్టా అంటూ వచ్చిన మూవీ ఫెయిల్యూర్ అయింది. కానీ అప్పటి నుంచి వీరిద్దరి మధ్య లవ్ ఎఫైర్ నడుస్తోందన్నది బాలీవుడ్ లో ఓపెన్ సీక్రెట్ అందుకే వీరిద్దరితో కలిపి ప్రకటన తెరకెక్కించింది ఆ కంపెనీ. ఆఫ్ స్క్రీన్ లో ప్రేమ జంట అయిన వీరు.. ఇప్పుడు ఆన్ స్క్రీన్ పై కలిసి కనిపించడం జనాలకు కూడా క్రేజీ గానే ఉంది.

ఫిలిం అండ్ కమర్షియల్ ఫార్ములాలను బ్రేక్ చేస్తూ కొత్త ట్రెండ్ క్రియేట్ చేస్తున్నారు కృతి సనోన్.. సుశాంత్ సింగ్ రాజ్ పుత్. రీసెంట్ గా వీరిద్దరూ కలిసి జంటగా వెకేషన్ కు వెళ్లొచ్చారంటూ మీడియాలో కథనాలు కూడా వచ్చాయి. అంతే కాదు.. లివిన్ రిలేషన్ షిప్ లో ఉన్నారనే టాక్ అయితే వినిపిస్తూనే ఉంది. వెండితెర నుంచి బుల్లితెర వరకూ వచ్చిన ఈ జంట కథ..ఎక్కడివరకూ చేరుతుందో.

వీడియో కోసం క్లిక్ చేయండి