మహేష్‌ హీరోయిన్‌ మిస్టేక్‌ చేసిందా??

1-నేనొక్కడినే సినిమాతో మహేష్‌ బాబు హీరోయిన్‌ గా టాలీవుడ్‌ లో తెరంగేట్రం చేసిన కృతి సేనన్‌.. ఆ తరువాత ఇక్కడే దోచెయ్‌ అంటూ నాగ చైతన్య సరసన మెరిసింది. రెండూ ఫ్లాపులే. దానితో బాలీవుడ్‌ బాట పట్టేసింది అమ్మడు. అక్కడ తొలి సినిమా హిట్టవ్వడంతో.. వెంటనే షారూఖ్‌ ఖాన్‌ సరసన 'దిల్‌ వాలే' సినిమాను ఒప్పేసుకుంది. ఇంతకీ ఈవిడ చేసిన తప్పేంటో??

నిజానికి షారూఖ్‌ ఖాన్‌ దిల్‌ వాలే సినిమాలో ఛాన్సు రాకముందు అమ్మడికి అక్షయ్‌ కుమార్‌ సరసన సింగ్‌ ఈజ్‌ బ్లింగ్‌ సినిమాలో హీరోయిన్‌ గా చేయడానికి ఛాన్సొచ్చింది. అయితే దిల్‌ వాలే కోసం అమ్మడు అక్షయ్‌ కు 'నో' చెప్పేసి.. వెంటనే సింగ్‌ ఈజ్‌ బ్లింగ్‌ వదిలేసుకుంది. కట్‌ చేస్తే.. దిల్‌ వాలే సినిమాలో ఈమె చేసిన రోల్ శుద్ద దండగ. కేవలం ఒక పాటలో మినహాయిస్తే.. అసలు పాటలు కూడా లేవు. ఏదో సో సో గా సాగిన సినిమా ఫ్లాప్‌ అని అందరికీ తెలసిందే. ఇక అటువైపు సింగ్‌ ఈజ్‌ బ్లింగ్‌ లో ఈమె చేయాల్సిన పాత్రను యామీ జాక్సన్‌ చేసింది. సినిమా మాత్రమే కాదు.. యామీ రోల్‌ కూడా హిట్టే. ఫుల్‌ లెంగ్త్‌ అక్షయ్‌ సరసన మెరిసిన ఆ పాత్ర.. ఏకంగా ఇంటర్వెల్‌ బ్లాక్‌ లో ఫైటింగ్‌.. వేరే సీన్లలో ఎమోషన్లు.. అబ్బో చాలా స్కోప్‌ ఉన్న ఆ పాత్రను మిస్‌ చేసుకొని కృతి కెరియర్‌ కు దెబ్బేసుకుందనే చెప్పాలి.

సర్లేండి.. సింగ్‌ ఈజ్‌ బ్లింగ్‌ హిట్టయినా యామీ జాక్సన్‌ ఇంతవరకు మరో హిందీ సినిమా సైన్‌ చేయలేదు కాని.. కృతి సేనన్‌ చేతిలో మాత్రం రెండు బాలీవుడ్‌ సినిమాలున్నాయి.