సల్మాన్ సినిమాలో మహేష్‌ హీరోయిన్

బాలీవుడ్ సూపర్ స్టార్ సల్మాన్ ఖాన్ నటుడుగా కాకుండా ప్రొడ్యూసర్ గా కూడా మంచి విజయాలను అందుకున్నాడు. నటుడుగా తనకున్న క్రేజ్ ఎంతో మనకు తెలుసు. తను మొదటిసారి ప్రొడ్యూసర్ గా చేసిన ‘చిల్లర్ పార్టీ’ సినిమా నుండి ఏ సినిమా కూడా నష్టాలు వచ్చిన రికార్డు లేదు. ఇప్పుడు వచ్చిన ‘ట్యూబు లైట్’ మాత్రం బాగానే నిరాశ పరిచింది.

ఇప్పుడు సల్మాన్ ఒక బాలీవుడ్ స్టార్ హీరోతో సినిమా నిర్మించబోతున్నాడు. ‘జుగల్బంది’ అనే సినిమాను హీరో సైఫ్ ఆలీ ఖాన్ - శ్రీలంక బ్యూటీ జ్యాక్విలిన్ ఫెర్నాండెజ్ తో కలిపి నిర్మించాలి అని ప్లాన్ వేశాడు. కానీ ఇప్పుడు జ్యాక్విలిన్ కు ఈ సినిమాలో నటించే అవకాశాలు తక్కువగా ఉన్నాయి. ఎందుకంటే జ్యాక్విలిన్ ఫెర్నాండెజ్ డేట్స్ కుదరకపోవడంతో సల్మాన్ ఖాన్ ఆఫర్ వదులుకుంటునట్లు తెలుస్తుంది. ఈ స్థానంలో కృతి సనోన్ నటించబోతుందని టాక్. రాబ్తా సినిమా ఫ్లాప్ తరవాత కృతి సనోన్ మళ్ళీ మరో సినిమా ఇంకా మొదలుపెట్టలేదు. ఏ విషయం అనేది ఇంకా స్పష్టత రాలేదుకాని జ్యాక్విలిన్ ఫెర్నాండెజ్ మిస్ అయితే అది కృతి కి చేరడం మాత్రం పక్కా అంటున్నారు సల్మాన్ టీమ్.

మొన్నటివరకు 1-నేనొక్కడినే హీరోయిన్ గానే పాపులర్ అయిన కృతి.. ఆ తరువాత మాత్రం రాబ్తా సినిమాతో ఓ రేంజు ఊహించింది. కాని మహేష్‌ బాబు సినిమా ఫ్లాపైనప్పటికీ ఎంతో క్రేజ్ వచ్చింది కాని.. రాబ్తా సినిమాలో ఫ్లాపవ్వడంతో అమ్మడిపైన నెగెటివ్ మార్కులు పడిపోయాయ్. దానితో ఇప్పుడు ఒకవేళ నిజంగానే సల్మాన్ సినిమాలో ఆఫర్ వస్తే మాత్రం.. అమ్మడు ఎంతో లక్కీ అనే చెప్పాలి.