వెన్నెల రాత్రిలో మహేష్‌ హీరోయిన్‌

క్రితి సనోన్.. ఈ భామ టైటాన్ వాచ్ లకు బ్రాండ్ అంబాసిడర్. రీసెంట్ గా ఈ కంపెనీ మూన్ లైన్ కలెక్షన్ పేరుతో వాచెస్ ను రిలీజ్ చేసింది. టాలీవుడ్ సూపర్ స్టార్ మహేష్ బాబు హీరోయిన్ దీనిలో మెరిసిపోతూ వెలుగులు విరజిమ్మింది. వన్ నేనొక్కడినే చిత్రంలో ప్రిన్స్ సరసన చేసిన ఈ సుందరి.. ఇప్పుడు బాలీవుడ్ క్రేజీ ప్రాజెక్ట్ 'దిల్ వాలే'లో నటిస్తోంది.

ఇక వాచ్ ల విషయానికొస్తే.. ఓ పెద్ద ప్యాలెస్ - వెన్నెల రాత్రి - వెలుగులు విరజిమ్మే లైటింగ్,.. ఇన్నింటి మధ్య ఓ అందమైన అమ్మాయికి ఏం కావాలి చెప్పండి. సాధారణంగా అయితే మహేష్ లాంటి అబ్బాయి తోడు సరిపోతుంది. కానీ ఈ అమ్మడికి వాచ్ తోడుంటే చాలంట. చేతికి టైటాన్ రాగా వాచ్ పెట్టుకుని.. రాత్రంతా ఒంటరిగా ఓ రూమ్ లో ఎదురుచూపులు చూస్తూనే ఉంది.

రాత్రి పడ్డ ఆందోళన మర్చిపోయి.. తెల్లారగానే నవ్వులు వెదజల్లుతూ రూమ్ లోంచి బయటకొచ్చింది. అంటే రాత్రంతా క్రితి సనోన్ కి తోడు వాచ్ ఒక్కటే అన్నమాట. అన్ని ఫీలింగ్స్ నీ గడియారంతోనే పంచేసుకుంది క్రితి. అదీ ఈ వాచ్ యాడ్ స్పెషాలిటీ. అన్నీ బాగున్నాయ్ కానీ.. మరీ మగతోడు ఉండాల్సిన ఉండాల్సిన ప్లేస్ లో.. వాచ్ చేతికుంటే చాలు అనడం కాస్త అతిగా ఉంది కదూ.